تٷركٸستان وبلىسىندا 44 مۇزداققا بارلاۋ جاسالىندى
تٷركٸستان وبلىسىنىڭ اۋماعىندا سەل جٷرۋ قاۋٸپٸ بار 100 اۋماق ورنالاسقان. ونىڭ زاقىمدانۋ ايماعى 4 280 550 شارشى مەتردٸ قۇرايدى. وبلىستا سەل تاسقىنىن الدىن الۋ ماقساتىندا تٶتەنشە جاعدايلار دەپارتامەنتٸنٸڭ قىزمەتكەرلەرٸ تاۋدا ورنالاسقان 44 مۇزداق كٶلدەرگە ەس-145 ماركالى تٸك ۇشاعىمەن اەروۆيزۋالدى شولۋ جاسادى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
سونىمەن قاتار, سەل قاۋپٸ بار ۋچاسكەلەر قارالدى. نەتيجەسٸندە, مۇزداق كٶلدەردٸڭ جاعدايى قالىپتى جاعدايدا تۇرعاندىعى انىقتالىپ, سەل تاسقىنى تٶندٸرۋ قاۋٸپٸ جوق دەپ تۇجىرىمدالدى.
ايتا كەتەيٸك, وبلىس ەكٸمٸ ٶمٸرزاق شٶكەەۆتٸڭ تاپسىرماسىمەن, اۋا رايىنىڭ كٷرت ٶزگەرۋٸنە, ياعني كٷننٸڭ جىلۋىنا بايلانىستى سەلدٸڭ الدىن الۋ ٷشٸن وبلىستىق تٶتەنشە جاعدايلار دەپارتامەنتٸ مەن تابيعات قوعاۋ باسقارماسى مونيتورينگ جٷرگٸزدٸ.
ونىڭ قورىتىندىسى وبلىس ەكٸمٸنە باياندالدى. وبلىس ەكٸمٸ تاۋلى اۋدانداردىڭ تۇرعىندارىن تابيعي جەنە تەحنوگەندٸك سيپاتتاعى تٶتەنشە جاعدايلاردان قورعاۋ ماقساتىندا بٸرقاتار ۆەدومستۆولارعا كٷندەلٸكتٸ مونيتورينگ جٷرگٸزۋدٸ تاپسىردى.
