Túrkistan oblysynda 44 muzdaqqa barlaý jasalyndy
Túrkistan oblysynyń aýmaǵynda sel júrý qaýipi bar 100 aýmaq ornalasqan. Onyń zaqymdaný aimaǵy 4 280 550 sharshy metrdi quraidy. Oblysta sel tasqynyn aldyn alý maqsatynda Tótenshe jaǵdailar departamentiniń qyzmetkerleri taýda ornalasqan 44 muzdaq kólderge ES-145 markaly tik ushaǵymen aerovizýaldy sholý jasady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Sonymen qatar, sel qaýpi bar ýchaskeler qaraldy. Nátijesinde, muzdaq kólderdiń jaǵdaiy qalypty jaǵdaida turǵandyǵy anyqtalyp, sel tasqyny tóndirý qaýipi joq dep tujyrymdaldy.
Aita keteiik, oblys ákimi Ómirzaq Shókeevtiń tapsyrmasymen, aýa raiynyń kúrt ózgerýine, iaǵni kúnniń jylýyna bailanysty seldiń aldyn alý úshin oblystyq tótenshe jaǵdailar departamenti men tabiǵat qoǵaý basqarmasy monitoring júrgizdi.
Onyń qorytyndysy oblys ákimine baiandaldy. Oblys ákimi taýly aýdandardyń turǵyndaryn tabiǵi jáne tehnogendik sipattaǵy tótenshe jaǵdailardan qorǵaý maqsatynda birqatar vedomstvolarǵa kúndelikti monitoring júrgizýdi tapsyrdy.
