ونىڭ ايتۋىنشا، كوممۋنالدىق قىزمەتتەر بويىنشا شىعىنداردى وتەۋگە ارنالعان مەملەكەتتىك كومەكتى تەك سانات بويىنشا الا الاتىن ادامنىڭ جەكە كوممۋنالدىق تولەم جاسايتىن دەربەس شوتى بولۋى ءتيىس.
«مينيسترلىك بەكىتكەن تىزبەگە سايكەس، جاردەماقىنى الۋعا قۇقىعى بار ادامدار: 1)1-2-3 توپتاعى مۇگەدەكتەر؛ 2) ۇلى وتان سوعىسىنىڭ مۇگەدەكتەرى مەن قاتىسۋشىلارى جانە قاتىسۋشىلارىنا تەڭەستىرىلگەن ادامدار؛ 3) مۇگەدەك بالالاردى تاربيەلەۋشi وتباسىلار؛ 4)كوپبالالى وتباسىلار؛ 5)ەڭ تومەن جانە از زەينەتاقى الاتىن زەينەتكەرلەر؛ 6) مەملەكەتتiك نەمەسە قوعامدىق مiندەتتەرiن، اسكەري قىزمەتiن ورىنداۋ كەزiندە، سونداي-اق عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ نە ادام ءومiرiن قۇتقارۋ كەزiندە، قۇقىق ءتارتiبiن قورعاۋ جاعدايىندا قازا تاپقان ادامداردىڭ وتباسىلارى؛ 7) اتاۋلى الەۋمەتتىك كومەك الاتىن ازاماتتار، ونىڭ ىشىندە جالعىز باستى زەينەتكەرلەر»، - دەدى باقىتجان انۋاربەك ۇلى.
ايتا كەتەرلىگى، 15 مىڭ تەڭگە تولەمدى الۋعا ءوتىنىم بەرۋ ءۇشىن قازىرگى تاڭدا ارنايى ەلەكتروندى جۇيە دايىندالۋدا. ول جۇيە اعىمداعى جىلدىڭ 1 مامىرىنا دەيىن ىسكە قوسىلاتىن بولادى. تولەمدى الۋ ءۇشىن تۇتىنۋشى اقپاراتتىق جۇيەلەر نەمەسە call-ورتالىق ارقىلى جەكە سايكەستىندىرۋ ءنومىرىن، الەۋمەتتىك دارەجەسىن جانە دەربەس شوت دەرەكتەرىن كورسەتە وتىرىپ، اكىمدىككە ءوتىنىم بەرۋى كەرەك. وبلىس بويىنشا «109» call-ورتالىق بايلانىس تەلەفونى ىسكە قوسىلعان. سall-ورتالىققا ءوتىنىم بەرۋ 1 مامىردا باستالادى.
اكىمدىككە اقپاراتتىق جۇيە نەمەسە call-ورتالىق ارقىلى ءوتىنىم تۇسكەن سوڭ، تۇتىنۋشىنىڭ دەرەكتەرىن تەكسەرەدى، مالىمەتتەر راس بولعان جاعدايدا، ۋاكىلەتتى مەكەمەلەرگە اتالعان تىزبەدەگى سانات بويىنشا انىقتاۋ ءۇشىن جولدانادى. كەيىن ۋاكىلەتتى مەكەمە راستاعان سوڭ، كوممۋنالدىق قىزمەت كورسەتۋشى مەكەمەلەرگە ەلەكتروندى تۇردە جىبەرىلەدى. ۋاكىلەتتى مەكەمە تۇتىنۋشىنىڭ جەكە ەسەپ شوت دەرەكتەرىنە سايكەس ەكەنىن بەلگىلەيدى. راستالعان جاعدايدا، اكىمدىك بەس جۇمىس كۇنىنەن كەشىكتىرمەي تۇتىنۋشىنىڭ جەكە شوتىنا قارجى جونەلتەتىن بولادى. جوعارىداعى اتالعان ساناتتارعا جاتاتىن تۇتىنۋشىلارعا ءار اي 15 مىڭ تەڭگەدەن 2 اي (ءساۋىر، مامىر) مەرزىمى ءۇشىن تولەم جۇرگىزىلەتىن بولادى. سونىمەن قاتار، اتالعان كومەكتى الۋعا ءوتىنىم ءبىلدىرۋ مامىر-ماۋسىم ايلارى ارالىعىندا قابىلداناتىن بولادى.
تۇركىستان وبلىسىنىڭ وڭىرلىك كوممۋنيكاسيالار قىزمەتى
