تۋىستارىنىڭ ايتۋىنشا، كۇدىكتىلەر ونى ەسىنەن تانىپ جاتقان كەزدە دە باسىنان تەپكىلەگەن. كەيىن جىگىتتى ادام جوق جەرگە تاستاپ كەتكەن. جاقىندارى ونى ەكى ساعاتتان كەيىن عانا تاپقان.
جابىرلەنۋشىنىڭ جاقىندارىنىڭ ايتۋىنشا، كيكىلجىڭ كۇندىز كوكپار كەزىندە باستالعان. كەشكە جىگىتتى مەكتەپ ماڭىنا "سويلەسۋگە" شاقىرعان، الايدا ول جەرگە بارعاندا ونى ءبىر توپ ادام كۇتىپ تۇرعان. ءبىر اپتاداي جانساقتاۋ بولىمىندە جاتقان جابىرلەنۋشى ءقازىر پالاتاعا اۋىستىرىلعان. دەسە دە ءالى تولىق سويلەي المايدى جانە تەرگەۋگە ناقتى جاۋاپ بەرۋگە قاۋقارسىز. ونىڭ ەكى دوسى دا جاراقات العان.
اتا-اناسىنىڭ سوزىنشە، شابۋىل جاساعانداردىڭ قولىندا پىشاق، تاپانشا جانە كاستەت بولعان. ولار ۇلىنىڭ قاۋىپسىزدىگىنە الاڭداپ وتىر.
تۇركىستان وبلىسى پوليسيا دەپارتامەنتى مالىمەتىنشە، توپتىق توبەلەس دەرەگى بويىنشا ەكى كۇدىكتى ۇستالعان. كەيىن ولار ءۇيقاماققا جىبەرىلگەن. تەرگەۋ جالعاسىپ جاتىر.
