جاڭا باستاماعا وراي تۇركىستان وبلىستىق جەر قاتىناستارى باسقارماسىنىڭ حابارلاۋىنشا، ازىرگە 17 مىڭ گەكتار جايىلىم جەر قايتارىلدى. سونىڭ ءبىرى ورداباسى اۋدانى اقسارى اۋىلىندا ىسكە اسىپ، حالىقتىڭ تالابى ورىندالدى.
تۇركىستان وبلىسىنا جۇمىس ساپارىمەن كەلگەن «AMANAT» پارتياسى جانىنان قۇرىلعان «جەر اماناتى» كوميسسياسىنىڭ وكىلدەرى ورداباسى اۋدانىنداعى جايىلىم جەر ماسەلەسىنىڭ جاي-كۇيىمەن تانىستى. «AMANAT» پارتياسىنىڭ حاتشىسى د.كارىبەك، ق ر پارلامەنتى ءماجىلىسىنىڭ دەپۋتاتتارى ج.ءاشىمجان، ە.سايروۆ، ق ر اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ ءتوراعاسى – ق ر جەردى پايدالانۋ مەن قورعاۋ جونىندەگى باس مەملەكەتتىك ينسپەكتورى م.تەمىرجانوۆ، «AMANAT» پارتياسى تۇركىستان وبلىستىق فيليالىنىڭ اتقارۋشى حاتشىسى، فراكسيا جەتەكشىسى ب.تاجىبايەۆ اقسارى اۋىلىنىڭ حالقىمەن كەزدەستى.
جايىلىم القابىندا وتكەن بايدىبەك، وتىرار، تولەبي اۋداندارىنىڭ اتقارۋشى ورگاندارىنىڭ باسشىلارى، شارۋا قوجالىقتارىنىڭ جەتەكشىلەرى دە قاتىستى. پارتيا جانىنان قۇرىلعان «جەر اماناتى» كوميسسياسىنىڭ مۇشەسى، ءماجىلىس دەپۋتاتى ە.سايروۆ كەزدەسۋدىڭ ماقساتىن ايتتى.
– مەملەكەت باسشىسى جەر ماسەلەسىن ادىلەتتى شەشۋدى تاپسىردى. بۇگىنگى تاڭدا پارتيانىڭ ەڭ نەگىزگى ءپرينسيپى دە وسى. ياعني، جەر اۋىلداعى اعايىننىڭ ەنشىسىندە بولۋى كەرەك. قۇرىلعان كوميسسيا مۇشەلەرى ءوزىمىزدىڭ حالىققا جەردى قالاي ۇلەستىرەمىز دەگەن دەگەن جاۋاپ ىزدەپ، بۇكىل ەلدى مەكەندى ارالاۋدى باستادى. ەگەر ناقتى ءارى نەگىزى بار پروبلەما بولسا، ول جەرگىلىكتى اتقارۋشى ورگان ارقىلى شەشىلە مە الدە زاڭعا وزگەرىس ەنگىزۋ كەرەك پە وسىنى انىقتايمىز. كەشەندى قاراستىرۋ ءۇشىن تەك ءوزىمىز ەمەس ۇكىمەتتىڭ مۇشەلەرىمەن بىرگە ارالايمىز، – دەدى ءماجىلىس دەپۋتاتى ە.سايروۆ.
تورتكول اۋىل وكرۋگى، اقسارى اۋىلىنا جاقىن ورنالاسقان جايىلىم القاپتارى 910 گەكتاردى قۇرايدى. بۇل جەر كولەمى اۋىل تۇرعىندارىنىڭ شارۋامەن اينالىسۋىنا ازدىق ەتەدى. تۇرعىنداردىڭ ءۋاجىن تىڭداپ، ارنايى كوميسسيا ارقىلى شەشۋگە ىقپال ەتۋ ءۇشىن كەلگەن كوميسسيا وكىلدەرى ورىندى ۇسىنىستار توپتاستىرىلىپ، زاڭعا وزگەرىستەر ەنگىزۋگە جۇمىس جۇرگىزەتىندەرىن جەتكىزدى.
– شەشىمىن كۇتكەن ماسەلەردىڭ ءبىرى – جەر داۋى. بۇگىن وبلىس ورتالىعىنان كەتىپ قالماي، اۋىلداردىڭ ماسەلەسىن ەستىپ، وسىندا ارنايى كەلدىك. زاڭداعى كودەكستەرگە وزگەرتۋ كەرەك بولسا، ونى حالىقتىڭ تالابىن تىڭداي وتىرىپ جۇزەگە اسىرعانىمىز ءجون. مۇنىمەن تەك ۇكىمەت قانا جۇمىس ىستەمەي، پارتيا دا ارالاسۋى كەرەك. ءبىر اي بويى زاڭدى زەرتتەدىك. ەندى اۋىل-ايماقتارداعى ماسەلەلەردى سارالاۋعا كىرىستىك. سىزدەردىڭ اۋىلدارىڭىزعا 285 مىڭ گەكتار جەر ورتاق پايدالانۋعا بەرىلىپ وتىر. باسقا دا جايىلىمعا قاتىستى سۇراقتار ءالى قارالادى، – دەگەن د.كارىبەك جەر تاپشىلىعىنىڭ زاردابىن كەشكەن تۇرعىندارعا قۋانىشتى حاباردى جەتكىزدى.
مەملەكەت باسشىسىنىڭ تاپسىرماسىن ورىنداۋ ءۇشىن پارتيانىڭ ارالاسۋىمەن ورتاق پايدالانۋعا بەرىلەتىن جەردىڭ كولەمى ۇلعايتىلاتىنى جايلى جاڭالىق اۋىل حالقىن قۋانىشقا كەنەلتتى. سەبەبى كۇنكورىسى مال شارۋاشىلىعىنا تىكەلەي بايلانىستى اۋىل حالقىنىڭ ايتقان ءۋاجى تەز ارادا وڭتايلى شەشىلىپ وتىر.
رەسپۋبليكالىق كوميسسيا وكىلدەرى، دەپۋتاتتار ايتىلعان ۇسىنىستاردى نازاردا ۇستاپ، تۇرعىندار تالابى ورىندى ەكەنىن جەتكىزدى. جەرگە قاتىستى زاڭبۇزۋشىلىقتار كوشباسشى پارتيا تاراپىنان زەردەلەنىپ، ناقتى ىستەرمەن ءتيىستى شەشىمدەر قابىلدانادى.
