تٷركٸستان وبلىسىنىڭ اۋدان, قالالارىندا بالىق شارۋاشىلىعىنا دەن قويىلىپ, بۇل باعىتتا جٷيەلٸ جۇمىستار اتقارىلىپ كەلەدٸ. مەملەكەت تاراپىنان تٷرلٸ قولداۋلار قاراستىرىلعان. بٷگٸن وبلىس باسشىسى نۇرالحان كٶشەروۆ شاردارا اۋدانىنداعى «حاميت» اٶك بالىق ٶندٸرۋ زاۋىتىن ارالاپ, جۇمىس بارىسىمەن تانىستى. كەسٸپورىن يەسٸ – باقىتجان سەرمانيزوۆ ٶندٸرٸس نىسانىنىڭ جۇمىس جٷيەسٸن باياندادى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بۇل – وبلىس كٶلەمٸندەگٸ بالىق ٶنٸمدەرٸن ٶڭدەيتٸن ەڭ ٸرٸ زاۋىت. «حاميت» ٶندٸرٸستٸك كووپەراتيۆٸ جىلىنا 2 مىڭ توننا بالىق ٶندٸرۋگە قاۋقارلى. كەسٸپورىندا 250 قىزمەتكەر جۇمىس ٸستەيدٸ. ورتاشا جالاقى كٶرسەتكٸشٸ 120 مىڭ تەڭگەنٸ قۇرايدى. مۇندا مۇزداتىلعان بالىق جەنە فيلە تٷرلەرٸ ٶندٸرٸلەدٸ. ال زاۋىت ٶندٸرگەن تاۋارلار ٸشكٸ نارىقتان باستاپ, رەسەي, يتالييا, بەلگييا, انگلييا ەلدەرٸنە ەكسپورتتالادى. كەسٸپورىن باسشىسىنىڭ سٶزٸنشە, ٶنٸم كٶلەمٸ 400 ملن. تەڭگەنٸ قۇرايدى.
ايتا ٶتەيٸك, تٷركٸستان وبلىسى بالىق شارۋاشىلىعىنان العاشقى ورىندا كەلەدٸ. بٷگٸندە وبلىس كٶلەمٸندە تاۋارلى بالىق ٶسٸرۋمەن اينالىساتىن شارۋا قوجالىقتارىنىڭ سانى 231-گە جەتكەن. ونىڭ 160-ى وبلىسارالىق باسسەيٸندٸك بالىق شارۋاشىلىعى ينسپەكتسيياسىمەن زاڭداستىرىلعان. وسىعان دەيٸنگٸ مەجٸلٸستەردە وبلىس ەكٸمٸ جاۋاپتىلارعا بالىق شارۋاشىلىعىن دامىتۋ باعىتىندا سەمينارلار ٶتكٸزۋدٸ جەنە ينۆەستورلار تارتۋ جۇمىستارىن كٷشەيتۋدٸ تاپسىرعان بولاتىن. بٷگٸندە ارنايى جۇمىسشى توپ قۇرىلىپ, بالىق ٶندٸرٸسٸن دامىتۋعا نيەتتٸ كەسٸپكەرلەر انىقتالۋدا.
وبلىس ەكٸمٸ ارالاۋ بارىسىندا شاردارا يندۋستريالدى ايماعىندا ورنالاسقان وزىق تەحنولوگييالى, «كازكراحمال» جشس-نٸڭ جٷگەرٸ ٶنٸمٸن تەرەڭ ٶڭدەۋ زاۋىتىنىڭ قۇرىلىس جۇمىستارىمەن تانىستى. اتالعان كەسٸپورىن جىلىنا 150 مىڭ توننا جٷگەرٸ تٷرلەرٸن ٶڭدەپ شىعارادى. مۇندا جالپى سانى 500 ادام جۇمىسپەن قامتىلماق. زاۋىتتىڭ ٶندٸرٸستٸك ايماعى 35 گەكتار. كەسٸپورىن كراحمال مەن سٸرنە ٶندٸرٸسٸنە باعىتتالعان. ينۆەستيتسييا كٶلەمٸ – 35 ملرد. تەڭگە. ٶندٸرٸلگەن ٶنٸمدەر ٸشكٸ نارىقتان باستاپ, شەتەلدٸڭ رەسەي, قىتاي, بەلگييا, انگلييا ەلدەرٸنە ەكسپورتقا شىعارۋ كٶزدەلگەن.
كەسٸپورىن باسشىسى رۋسلان قيياشپاەۆتىڭ ايتۋىنشا, وزىق تەحنولوگييالى ٶندٸرٸس ورنىندا گازبەن, ەلەكتر جٷيەسٸمەن, سۋمەن قامتۋ جۇمىستارى اياقتالعان. بٷگٸندە كەرٸز جٷيەسٸمەن قامتۋ بويىنشا جسق قۇجاتتارى ەزٸرلەنۋدە.
اتاپ ايتقاندا, مۇندا تەرەڭ ٶڭدەلگەن جٷگەرٸنٸڭ كراحمال, گليۋتەن, جٷگەرٸ سٸرنەسٸ, كارامەل سٸرنەسٸ, مالتوزا سىندى ٶنٸمدەرٸن نارىققا شىعارۋ جوسپارلانۋدا.
