Túrkistan oblysynyń aýdan, qalalarynda balyq sharýashylyǵyna den qoiylyp, bul baǵytta júieli jumystar atqarylyp keledi. Memleket tarapynan túrli qoldaýlar qarastyrylǵan. Búgin oblys basshysy Nuralhan Kósherov Shardara aýdanyndaǵy «Hamit» AÓK balyq óndirý zaýytyn aralap, jumys barysymen tanysty. Kásiporyn iesi – Baqytjan Sermanizov óndiris nysanynyń jumys júiesin baiandady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bul – oblys kólemindegi balyq ónimderin óńdeitin eń iri zaýyt. «Hamit» óndiristik kooperativi jylyna 2 myń tonna balyq óndirýge qaýqarly. Kásiporynda 250 qyzmetker jumys isteidi. Ortasha jalaqy kórsetkishi 120 myń teńgeni quraidy. Munda muzdatylǵan balyq jáne file túrleri óndiriledi. Al zaýyt óndirgen taýarlar ishki naryqtan bastap, Resei, Italiia, Belgiia, Angliia elderine eksporttalady. Kásiporyn basshysynyń sózinshe, ónim kólemi 400 mln. teńgeni quraidy.
Aita óteiik, Túrkistan oblysy balyq sharýashylyǵynan alǵashqy orynda keledi. Búginde oblys kóleminde taýarly balyq ósirýmen ainalysatyn sharýa qojalyqtarynyń sany 231-ge jetken. Onyń 160-y oblysaralyq basseiindik balyq sharýashylyǵy inspektsiiasymen zańdastyrylǵan. Osyǵan deiingi májilisterde oblys ákimi jaýaptylarǵa balyq sharýashylyǵyn damytý baǵytynda seminarlar ótkizýdi jáne investorlar tartý jumystaryn kúsheitýdi tapsyrǵan bolatyn. Búginde arnaiy jumysshy top qurylyp, balyq óndirisin damytýǵa nietti kásipkerler anyqtalýda.
Oblys ákimi aralaý barysynda Shardara indýstrialdy aimaǵynda ornalasqan ozyq tehnologiialy, «Kazkrahmal» JShS-niń júgeri ónimin tereń óńdeý zaýytynyń qurylys jumystarymen tanysty. Atalǵan kásiporyn jylyna 150 myń tonna júgeri túrlerin óńdep shyǵarady. Munda jalpy sany 500 adam jumyspen qamtylmaq. Zaýyttyń óndiristik aimaǵy 35 gektar. Kásiporyn krahmal men sirne óndirisine baǵyttalǵan. Investitsiia kólemi – 35 mlrd. teńge. Óndirilgen ónimder ishki naryqtan bastap, sheteldiń Resei, Qytai, Belgiia, Angliia elderine eksportqa shyǵarý kózdelgen.
Kásiporyn basshysy Rýslan Qiiashpaevtyń aitýynsha, ozyq tehnologiialy óndiris ornynda gazben, elektr júiesimen, sýmen qamtý jumystary aiaqtalǵan. Búginde káriz júiesimen qamtý boiynsha JSQ qujattary ázirlenýde.
Atap aitqanda, munda tereń óńdelgen júgeriniń krahmal, gliýten, júgeri sirnesi, karamel sirnesi, maltoza syndy ónimderin naryqqa shyǵarý josparlanýda.
