ازاماتتاردىڭ ەڭبەك قۇقىقتارى تۋرالى تۇركىستان وبلىسىنىڭ ەڭبەك ينسپەكسياسى جونىندەگى باسقارماسى باسشىسى بەرىك يبادۋللايەۆ بايانداما جاسادى. ونىڭ ايتۋىنشا، بيىلعى جىلدىڭ 11 ايىندا باسقارما تاراپىنان 925 ازاماتتىڭ ارىز-شاعىمى قارالىپ، ولاردىڭ بارلىعىنا زاڭمەن بەلگىلەنگەن مەرزىمدە جاۋاپ بەرىلگەن. وسى ارىزداردىڭ نەگىزىندە مەكەمەلەر مەن كاسىپورىنداردا بارلىعى 247 تەكسەرۋ جۇرگىزىلىپ، 260 زاڭبۇزۋشىلىق انىقتالىپتى. انىقتالعان زاڭ بۇزۋشىلىقتاردىڭ ىشىندە 247ء-سى جويىلىپ، زاڭعا سايكەستەندىرىلگەن. سونداي-اق ەڭبەك زاڭناماسىنىڭ بۇزىلۋى بويىنشا 2 598 660 تەڭگە كولەمىندە 41 ايىپپۇل سالىنعان. ونىڭ ىشىندە «ەسكەرتۋ» تۇرىندە 17 اكىمشىلىك ءىس قوزعالىپتى.
«بيىل قاڭتار-قاراشا ايلارىندا وبلىس مەكەمەلەرى مەن كاسىپورىندارىندا جالاقىنى زاڭمەن بەلگىلەنگەن مەرزىمنەن كەشىكتىرىپ تولەگەن 6 جاعداي انىقتالدى. وسىعان بايلانىستى جۇمىس بەرۋشىلەرگە نۇسقامالار بەرىلىپ، 553 695 تەڭگە كولەمىندە 6 اكىمشىلىك ايىپپۇل سالىندى. بۇگىنگى تاڭدا 2019 جىلدان قوردالانعان جانە وتپەلى جالاقى قارىزى بار 2 كاسىپورىندا 21 جۇمىسكەر الدىندا 41،5 ملن. تەڭگە جالاقى قارىزى قالىپ وتىر»، – دەدى بەرىك سەرىكباي ۇلى.
وبلىس كاسىپورىندارىندا 2020 جىلدىڭ 11 ايىندا 53 جازاتايىم وقيعا بولىپ، 76 ادام زارداپ شەككەن.
وتىرىس بارىسىندا باسقارما باسشىسىنا ساۋالدار قويىلىپ، ناقتى جاۋاپتار الىندى. ءوز كەزەگىندە ءسوز العان وبلىستىق ءماسليحات دەپۋتاتى، فراكسيا مۇشەسى قاينار اباسوۆ پەن «Nur Otan» پارتياسى فراكسياسىنىڭ جەتەكشىسى مۇرات تولتەبايەۆ ازاماتتاردىڭ ەڭبەك قۇقىقتارى مەن الەۋمەتتىك قورعالۋ جايى جونىندە ءوز ۇسىنىستارىن جەتكىزدى. اسىرەسە، پاندەميا كەزىندە جاپپاي جۇمىسسىزدىقتى بولدىرماۋ، جۇمىسشىلاردىڭ قۇقىقتارى مەن ەڭبەك شارتتارىنىڭ بۇزىلماۋىن قاداعالاۋ، قوعامدىق جۇمىسپەن قامتۋعا بولىنگەن قارجىلاردىڭ ماقساتتى جۇمسالۋىنا مانيتورينگ جۇرگىزۋ قاجەتتىگىنە توقتالدى.
ءماجىلىستى قورىتقان «Nur Otan» پارتياسى تۇركىستان وبلىستىق فيلالى ءتوراعاسىنىڭ ءبىرىنشى ورىنباسارى بەيسەن تاجىبايەۆ ەڭبەك ينسپەكسياسى جونىندەگى باسقارماعا جالاقىسىن الا الماي جۇرگەن ازاماتتاردىڭ ءوتىنىشىن دەر كەزىندە قاراۋعا ءمان بەرۋگە شاقىردى.
«پاندەميا كەزەڭىندە قانشاما ءوڭىر تۇرعىندارى تابىسسىز قالدى. وسىنى ەسكەرە وتىرىپ، بيىل پارتيانىڭ «بىرگەمىز» قورى ارقىلى تۇركىستان، كەنتاۋ قالالارى مەن وبلىس اۋداندارىنىڭ الەۋمەتتىك از قامتىلعان 38 مىڭنان استام وتباسىنا 50 مىڭ تەڭگە كولەمىندە كومەك كورسەتىلدى. دەگەنمەن بۇل قولداۋلار ءالى دە بولسا، جەتكىلىكسىز ەكەنى داۋسىز. سوندىقتان ەڭبەك ينسپەكسياسى مەن الەۋمەتتىك سالاعا جاۋاپتى باسقارما جۇمىسسىز قالعان ءاربىر تۇرعىننىڭ ارىز-شاعىمدارىن دەر كەزىندە قاراپ، قولداۋ ءبىلدىرۋى ءتيىس»،– دەدى.
جيىن سوڭىندا جارىسسوزگە شىققاندار ەڭبەك قۇقىعىن قورعاۋ ماقساتىندا بارلىق مەكەمەلەردە كاسىپوداق قۇرۋ، ونى مىندەتتەۋ قاجەتتىگىن دە كوتەردى. ماسەلەن كەيبىر قۇرىلىس جۇمىستارىندا كاسىپوداقتار قۇرىلماعان. الداعى ۋاقىتتا پارتيا فيليالى مەن دەپۋتاتتىق فراكسيا تاراپىنان ءتيىستى توپتار قۇرىلىپ، بۇل باعىتتاعى ماسەلەلەر نازاردا بولادى.
«Nur Otan» پارتياسى تۇركىستان وبلىستىق فيلالىنىڭ باسپا ءسوز قىزمەتى
