Azamattardyń eńbek quqyqtary týraly Túrkistan oblysynyń eńbek inspektsiiasy jónindegi basqarmasy basshysy Berik Ibadýllaev baiandama jasady. Onyń aitýynsha, biylǵy jyldyń 11 aiynda basqarma tarapynan 925 azamattyń aryz-shaǵymy qaralyp, olardyń barlyǵyna zańmen belgilengen merzimde jaýap berilgen. Osy aryzdardyń negizinde mekemeler men kásiporyndarda barlyǵy 247 tekserý júrgizilip, 260 zańbuzýshylyq anyqtalypty. Anyqtalǵan zań buzýshylyqtardyń ishinde 247-si joiylyp, zańǵa sáikestendirilgen. Sondai-aq eńbek zańnamasynyń buzylýy boiynsha 2 598 660 teńge kóleminde 41 aiyppul salynǵan. Onyń ishinde «eskertý» túrinde 17 ákimshilik is qozǵalypty.
Oblys kásiporyndarynda 2020 jyldyń 11 aiynda 53 jazataiym oqiǵa bolyp, 76 adam zardap shekken.
Otyrys barysynda basqarma basshysyna saýaldar qoiylyp, naqty jaýaptar alyndy. Óz kezeginde sóz alǵan oblystyq máslihat depýtaty, fraktsiia múshesi Qainar Abasov pen «Nur Otan» partiiasy fraktsiiasynyń jetekshisi Murat Tóltebaev azamattardyń eńbek quqyqtary men áleýmettik qorǵalý jaiy jóninde óz usynystaryn jetkizdi. Ásirese, pandemiia kezinde jappai jumyssyzdyqty boldyrmaý, jumysshylardyń quqyqtary men eńbek sharttarynyń buzylmaýyn qadaǵalaý, qoǵamdyq jumyspen qamtýǵa bólingen qarjylardyń maqsatty jumsalýyna manitoring júrgizý qajettigine toqtaldy.
Májilisti qorytqan «Nur Otan» partiiasy Túrkistan oblystyq filaly tóraǵasynyń birinshi orynbasary Beisen Tájibaev eńbek inspektsiiasy jónindegi basqarmaǵa jalaqysyn ala almai júrgen azamattardyń ótinishin der kezinde qaraýǵa mán berýge shaqyrdy.
Jiyn sońynda jaryssózge shyqqandar eńbek quqyǵyn qorǵaý maqsatynda barlyq mekemelerde kásipodaq qurý, ony mindetteý qajettigin de kóterdi. Máselen keibir qurylys jumystarynda kásipodaqtar qurylmaǵan. Aldaǵy ýaqytta partiia filialy men depýtattyq fraktsiia tarapynan tiisti toptar qurylyp, bul baǵyttaǵy máseleler nazarda bolady.
«Nur Otan» partiiasy Túrkistan oblystyq filalynyń baspasóz qyzmeti
