بۇگىن، 15 ناۋرىزعا «ناۋرىز – ۇلتتىق ءداستۇر مەن مەيماندوستىق مەرەكەسى» دەپ ايدار تاعىلىپ، بارلىق اۋدان، قالادا اكىمدىكتەرى مەن مەملەكەتتىك مەكەمە قىزمەتكەرلەرى جۇمىسقا قازاقتىڭ ۇلتتىق كيىمىن كيىپ كەلدى.
ۇلتتىق بولمىسىمىزدى، مادەنيەتىمىز بەن كيىمىمىزدى دارىپتەۋگە ارنالعان باستامانى تۇركىستان وبلىسىنىڭ اكىمى دارحان ساتىبالدى باستاپ بەردى. ارىپتەستەرىن كەلە جاتقان ناۋرىز مەرەكەسىمەن قۇتتىقتاعان ءوڭىر باسشىسى وبلىس اكىمى اپپاراتىنىڭ كەزەكتى وتىرىسىن وتكىزدى.
– سىزدەردى ۇلتتىق كيىمدە كورىپ كوڭىلىم كوتەرىلىپ كەتتى. ۇلتتىق كيىم مەملەكەتتىك قىزمەتشىنىڭ بولمىسىن ەرەكشە ەتىپ كورسەتەدى. مادەنيەتىمىز بەن ءداستۇرىمىزدى قولداعان ءجون. ناۋرىز جاقسىلىعىمەن كەلىپ، حالقىمىزدىڭ بەرەكەسى ارتا بەرسىن، – دەگەن دارحان ساتىبالدى كۇن تارتىبىندەگى ماسەلەلەردى تالقىلاپ، تاپسىرمالار بەردى.
وبلىستىق باسقارما باسشىلارى مەن قىزمەتكەرلەرى، اۋدان، قالا اكىمدەرى مەن اكىمدىك ۇجىمدارى دا جۇمىسقا ۇلتتىق كيىممەن كەلىپ، باستاماعا قولداۋ كورسەتتى. تۇركىستان ءوڭىرىنىڭ مەملەكەتتىك قىزمەتشىلەرى الداعى ۋاقىتتا دا ۇلتتىق كيىم كيۋدى داستۇرگە اينالدىرۋدى كوزدەپ وتىر.
