– ادىلەتتى قازاقستاندى قۇرۋداعى يگى ىستەرگە بارشا قازاقستاندىقتار بەلسەنە اتسالىسقاندا عانا ءبىز ورتاق مۇددەگە قول جەتكىزە الامىز. مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسى اياسىندا اكىمدەردىڭ حالىقپەن كەزدەسۋلەرى جاڭا فورماتتا ءوتىپ جاتىر.
بيىل 10 اي بويى بارلىق دەڭگەيدەگى اكىمدەر تاراپىنان ەلمەن جالپى كەزدەسۋلەر ۇيىمداستىرىلىپ، 6578 ماسەلە كوتەرىلدى.
ونىڭ ىشىندە ينفراقۇرىلىممەن قامتاماسىز ەتۋ، الەۋمەتتىك ماسەلەلەر ەڭ ءجيى كوتەرىلگەن سۇراقتاردىڭ قاتارىندا بولدى. بيۋدجەتتىڭ مۇمكىنشىلىگىنە قاراي، كوتەرىلگەن ماسەلەلەردىڭ باسىم كوپشىلىگى ءوز شەشىمىن تاپتى نەمەسە 89،2% شەشىلگەن، – دەدى دارحان ساتىبالدى.
ەلىمىزدەگى ساياسي رەفورمالاردىڭ اياسىندا اۋىل تۇرعىندارى ەكى جىلدان بەرى اۋىلدىق وكرۋگ اكىمىن تاڭداۋ مۇمكىندىگىنە يە بولدى. ناتيجەسىندە تۇركىستان وبلىسى بويىنشا 140 اۋىلدىق وكرۋگ اكىمدەرى سايلاندى.
سونىمەن قاتار بيىل 4 اۋدان اكىمىنىڭ سايلاۋى ءوتتى. قابىلدانىپ جاتقان رەفورمالاردىڭ بارلىعى مەملەكەتتىك باسقارۋداعى شەشىم قابىلداۋ پروسەسسىنە ازاماتتاردىڭ قاتىسۋ مۇمكىندىگىن ارتتىرىپ وتىر.
