Memleket basshysy Qasym-Jomart Toqaevtyń Ádiletti Qazaqstandy qurý bastamasy boıynsha Túrkistan oblysynda aýqymdy jumys atqarylýda. Bul týraly Ortalyq komýnıkasıalar qyzmetiniń alańynda oblystyń áleýmettik-ekonomıkalyq damýy týraly esep berý barysynda Túrkistan oblysynyń ákimi Darhan Satybaldy málim etti, – dep habarlaıdy Dalanews.kz.

– Ádiletti Qazaqstandy qurýdaǵy ıgi isterge barsha qazaqstandyqtar belsene atsalysqanda ǵana biz ortaq múddege qol jetkize alamyz. Memleket basshysynyń «Halyq únine qulaq asatyn memleket» tujyrymdamasy aıasynda ákimderdiń halyqpen kezdesýleri jańa formatta ótip jatyr.

Bıyl 10 aı boıy barlyq deńgeıdegi ákimder tarapynan elmen jalpy kezdesýler uıymdastyrylyp, 6578 másele kóterildi.

Onyń ishinde ınfraqurylymmen qamtamasyz etý, áleýmettik máseleler eń jıi kóterilgen suraqtardyń qatarynda boldy. Búdjettiń múmkinshiligine qaraı, kóterilgen máselelerdiń basym kópshiligi óz sheshimin tapty  nemese 89,2% sheshilgen, – dedi Darhan Satybaldy. 

Elimizdegi saıası reformalardyń aıasynda aýyl turǵyndary eki jyldan beri aýyldyq okrýg ákimin tańdaý múmkindigine ıe boldy. Nátıjesinde Túrkistan oblysy boıynsha 140 aýyldyq okrýg ákimderi saılandy.

Sonymen qatar bıyl 4 aýdan ákiminiń saılaýy ótti. Qabyldanyp jatqan reformalardyń barlyǵy memlekettik basqarýdaǵy sheshim qabyldaý prosesine azamattardyń qatysý múmkindigin arttyryp otyr.