وسى ماقساتتا تٷركٸستان قالاسىندا ۇيىمداستىرىلعان «تٷركٸ ەلەمٸنٸڭ ەتنوسەنٸ» VI حالىقارالىق فەستيۆالٸ قورىتىندىلاندى. «كونگرەسس حولل» كەشەنٸندە ٶتكەن ەتنوسەن اپتالىعىندا قازاقستان, ەزەربايجان, قىرعىزستان, ٶزبەكستان, تٷركٸمەنستان, تٷركييا, موڭعولييا, تاتارستان, تىۆا جەنە ساحا (ياكۋتييا) ەلدەرٸنٸڭ سالت-دەستٷرٸن تانىتاتىن 14 ديزاينەرلٸك توپتاما تانىستىرىلدى.
ەكٸ كٷنگە سوزىلعان فەستيۆال تٷركٸستان وبلىسى ەكٸمدٸگٸنٸڭ قولداۋىمەن, تٷركسوي ۇيىمىنىڭ باستاماسىمەن, «Qazaq Oner» ۇلتتىق اسسوتسياتسيياسى, «Open Travel Advisory» جشس, تٷركٸستان وبلىستىق مەدەنيەت جەنە تۋريزم باسقارماسى جەنە «Open Turkistan» تۋريستٸك اقپاراتتىق ورتالىعى جشس-نٸڭ بٸرلەسكەن جوباسى بولدى. ەرەكشە كەشكە ەتنوديزاينەرلەر, قازاقستاندىق قولٶنەرشٸلەر, سۋرەتشٸلەر, كرەاتيۆتٸ يندۋسترييا ساراپشىلارى, قالا تۇرعىندارى مەن قوناقتارى جەنە باق ٶكٸلدەرٸ قاتىستى.
ٸس-شارانى اشىپ بەرگەن تٷركسوي ۇيىمىنىڭ باس حاتشىسى سۇلتان راەۆ تٷركٸستان تٶرٸندە جينالۋداعى ماقساتتى ايقىندادى. سونداي-اق, ۇيىمعا بيىل 30 جىل تولعانىن اتاپ ٶتتٸ.
– تٷركٸ مەدەنيەتٸن ۇرپاقتان-ۇرپاققا جەتكٸزۋ ٷشٸن رۋحانييات ٶكٸلدەرٸ بٸر ارناعا توعىسۋى تيٸس. ەر ەلدٸڭ تاريحى مەن بولمىسىن بٸر-بٸرٸنە كٶرسەتۋگە ٷلەس قوساتىن ول – قولٶنەرشٸلەر, ديزاينەرلەر, ەرتٸستەر, جالپى شىعارماشىلىق ۇجىمدارى. سوندىقتان وسىنداي فورماتتاعى جوبالاردى الداعى جىلدارى تٷركٸ جۇرتىنىڭ قاسيەتتٸ مەكەنٸ تٷركٸستاندا ٶتكٸزۋدٸ دەستٷرگە اينالدىرۋىمىز كەرەك. بۇل رەتتە يدەيامىزدى قولداعان تٷركٸستان ٶڭٸرٸنٸڭ ەكٸمدٸگٸنە العىس بٸلدٸرەمٸز, – دەدٸ سۇلتان ەكٸمۇلى.
تٷركٸستان وبلىسى ەكٸمٸنٸڭ ورىنباسارى بەيسەن تەجٸباەۆ جىلى لەبٸزٸن ارناپ, تٷركٸ ەلەمٸ ٷشٸن ماڭىزدى جاڭالىقتاردى بٶلٸستٸ.
– كيەلٸ شاھارعا قوش كەلدٸڭٸزدەر! جۋىردا تٷركٸستانعا ەرەكشە ستاتۋس بەرۋ زاڭ جوباسى قابىلدانادى. مۇنان سوڭ تٷركٸستان شىن مەنٸندە «تٷركٸ ەلەمٸنٸڭ مەدەني-رۋحاني استاناسى» مەرتەبەسٸن الادى. ەكٸنشٸ جاڭالىعىمىز – قازان ايىندا تٷركٸتٸلدەس ەلدەردٸڭ مەدەنيەت جەنە تۋريزم مينيسترلەرٸ ارنايى كەلٸپ, تٷركٸستان قالاسىن 2024 جىلى «تٷركٸ ەلەمٸنٸڭ تۋريستٸك استاناسى» ستاتۋسىنا يە بولعالى وتىر. بٷگٸنگٸ شارامىزدى وسىنداي قۋانىشتىڭ باستاماسى رەتٸندە قابىلداۋعا تولىق نەگٸز بار.
تٷركسوي ۇيىمى, ەتنوگرافييا سالاسىنىڭ ٶكٸلدەرٸ, ٸسمەرلەر مەن اتسالىسقان ەربٸر ادامعا ريزاشىلىعىمدى جەتكٸزەمٸن. تٷركٸستان – ەجەلدەن شەبەرلەردٸڭ قالاسى.
ٶڭٸر باسشىسى دارحان امانگەلدٸۇلىنىڭ تاپسىرماسىمەن وبلىستىڭ 5 جىل تولۋىنا بايلانىستى جاڭا دەڭگەيگە كٶتەرۋ ماقساتىندا تٷرلٸ جوبالار قولعا الىنۋدا. سٸزدەرمەن بٸرلەسٸپ اتقارۋعا دايىنبىز. ٶيتكەنٸ بٸزدٸڭ تٸلٸمٸز, دٸنٸمٸز, سالتىمىز, كٶشپەندٸلٸك تٸپتٸ سەندٸك ۇقساستىعىمىز بار. بٷگٸن ونى ٶزدەرٸڭٸز دەلەلدەي بٸلدٸڭٸزدەر. ەڭبەكتەرٸڭٸز جانا بەرسٸن, — دەدٸ بەيسەن تەجٸباەۆ.
ەتنوسەن اپتالىعىنىڭ قاتىسۋشىسى, ەزەربايجان ۇلتتىق كيٸم ورتالىعىنىڭ جەتەكشٸسٸ گٷلنار حاليلوۆا فەستيۆالگە قاتىسۋ ۇسىنىسىن قۋانا قابىلداعانىن ايتادى.
– تٷركٸستانعا ەكٸنشٸ رەت كەلۋٸم. العاش رەت 2018 جىلى تانىستىم. قالادا ٶزگەرٸس كٶپ ەكەن. قازٸر بٸز تۇرعان عيماراتتا تا ول كەزدە جوق ەدٸ. ٶتە ەدەمٸ قالاعا اينالىپتى. دامۋىنا تٸلەكتەسپٸن. تٷركٸستانعا قازان ايىندا سەن سالاسى بويىنشا قايتا ورالامىن. تاعى دا توپتامالارىمدى ەل نازارىنا ۇسىنامىن. دەفيلەگە كەلسەك, ەرينە ازداپ قوبالجۋ بولدى. 20 جىلدان استام ۋاقىت وسى ٸسپەن اينالىسقان سوڭ, بٸرەر كەدەرگٸلەر ورىن الىپ وتىرادى. دەگەنمەن بەرٸن ٶتكەرەمٸز. ەڭ باستىسى – مودەلدەردٸڭ ۋاقىتىلى دايىن بولىپ, پوديۋمدى بوس قالدىرماۋى. ال بۇل فەستيۆال بٸزدٸ ودان سايىن جاقىنداستىردى, دەيدٸ ەزەربايجاندىق ديزاينەر.
ايتا كەتەيٸك, ەتنوسەن اپتالىعى 20 قىركٷيەك كٷنٸ ٶزبەكستاننىڭ فەرعانا قالاسىندا باستالىپ, 25-26 قىركٷيەك تٷركٸستان قالاسىندا جالعاسىن تاپتى. فەستيۆال اياسىندا قازاقستاندىق قولٶنەرشٸلەر جەرمەڭكەسٸ, سۋرەتشٸلەر بايقاۋى, جەتٸگەن شەرتۋدەن مەن دەستٷرلٸ ەن ورىنداۋ بويىنشا بٸلٸكتٸ ۇستازداردان شەبەرلٸك ساعاتتارى ٶتتٸ. «سەندەگٸ ەتنيكالىق ستيلدٸ دامىتۋ پەرسپەكتيۆالارى» تاقىرىبىندا ديزاينەرلەر دٶڭگەلەك ٷستەلدە تالقىلاۋ جٷرگٸزدٸ. ەر ەلدٸڭ كيٸم ٷلگٸسٸمەن تٷركٸستان قالاسىنىڭ كٶرٸكتٸ جەرلەرٸندە فوتوسەسسييا جاسالدى. وسىلايشا اۋقىمدى جيىن ارقىلى تٷركٸ حالىقتارىنىڭ مەدەني بايلانىسى نىعايا تٷسپەك.
