تمد مٷشەلەرٸنٸڭ تۋريستٸك ەلەۋەتٸن نىعايتۋ بويىنشا جاڭا تەتٸكتەر ەنگٸزٸلۋٸ مٷمكٸن. بۇل مەسەلە ىستىقكٶلدە ٶتكەن تمد مەملەكەتتٸك اقپارات اگەنتتٸكتەرٸ باسشىلارى كەڭەسٸنٸڭ XXXV وتىرىسىندا كەڭٸنەن تالقىلاندى, دەپ حابارلايدى dalanews.kz.
جيىندا Kazinform اگەنتتٸگٸنٸڭ باسقارۋشى ديرەكتورى ناعاشىبەك الدان اقپارات اگەنتتٸكتەرٸ اراسىندا تۋريستٸك كونتەنت الماسۋدى جٷيەلٸ تٷردە جولعا قويۋدى ۇسىندى. سونىڭ ٸشٸندە وسى باعىتقا جاۋاپتى ٷيلەستٸرۋشٸلەردٸ بەلگٸلەۋ قاجەتتٸگٸن اتاپ ٶتتٸ.
— ەرقايسىمىزدىڭ اقپاراتتىق رەسۋرستارىمىزدىڭ مٷمكٸندٸگٸ زور جەنە ٶز ەلدەرٸمٸزدەگٸ جەتەكشٸ مەديارەسۋرستاردىڭ بٸرٸ بولىپ سانالادى. بيىل قازاقستان بويىنشا اۋقىمدى جۇمىس جٷرگٸزدٸك. اتاپ ايتقاندا, تٸلشٸلەرٸمٸز تۋريستٸك ٶڭٸرلەرگە بارىپ, قىزمەتتەردٸڭ قۇنى, ينفراقۇرىلىم جەنە دەمالىس جاعدايلارى ت. ب. تاقىرىپتاردا جان-جاقتى ماتەريالدار ەزٸرلەدٸ. بٸز بۇل كونتەنتتٸ ەرٸپتەستەرٸمٸزبەن بٶلٸسۋگە دايىنبىز. تۋريزم تاقىرىبىنا جاۋاپتى جەكە ٷيلەستٸرۋشٸنٸ بەلگٸلەۋ مۇنداي جۇمىستاردى جٷيەلٸ ەرٸ تيٸمدٸ ەتۋگە مٷمكٸندٸك بەرەدٸ, — دەدٸ ناعاشىبەك الدان.
ال تاسس باس ديرەكتورى اندرەي كوندراشوۆ ۇلتتىق اقپارات اگەنتتٸكتەرٸنٸڭ اتالعان باعىتتاعى ٶزارا ٸس-قيمىلىن جانداندىرۋ يدەياسىن قولدادى. ونىڭ ايتۋىنشا, تمد ەلدەرٸنٸڭ تۋريستٸك ەلەۋەتٸ زور بولعانىمەن, كەي مەسەلەلەر بويىنشا كٶرشٸلەس مەملەكەتتەردٸڭ تۇرعىندارىنا ەلٸ دە جەتكٸلٸكتٸ دەڭگەيدە اقپارات بەرٸلٸپ جاتقان جوق.
— بٷگٸندە بٸز بٸر-بٸرٸمٸز ٷشٸن بۇعان دەيٸن ٶزٸمٸز دە بٸلمەگەن وراسان زور تۋريستٸك مٷمكٸندٸكتەردٸ اشىپ جاتىرمىز. ەرقايسىمىزدىڭ ەلٸمٸزدەگٸ تۋريستٸك ورىندارعا كٶرشٸلەس حالىقتاردىڭ قىزىعۋشىلىعى ارتىپ كەلەدٸ. ونداي جەرلەردٸڭ قاتارىنا تاريحي نىساندار دا, زاماناۋي تۋريستٸك كلاستەرلەر دە كٸرەدٸ. بۇل سالاداعى جۇمىستى ودان ەرٸ كٷشەيتٸپ, ەلدەرٸمٸزدەگٸ تۋريستٸك ورىندار جايىندا بارىنشا كەڭ اۋقىمدا اقپارات بەرۋٸمٸز كەرەك, — دەدٸ اندرەي كوندراشوۆ.
قىرعىز ۇلتتىق «كابار» اقپارات اگەنتتٸگٸنٸڭ ديرەكتورى مەدەربەك شەرمەتاليەۆ تە بۇل تاقىرىپتاعى ۇستانىمىن مەلٸمدەدٸ. ونىڭ سٶزٸنشە, قىرعىزستان VI دٷنيەجٷزٸلٸك كٶشپەندٸلەر ويىندارىنا دايىندالىپ جاتىر. شەرمەتاليەۆ تمد ەلدەرٸنٸڭ اقپارات اگەنتتٸكتەرٸن الداعى حالىقارالىق ٸس-شارانى كٶرسەتۋدە اقپاراتتىق قولداۋ بٸلدٸرۋگە شاقىردى.
— دٷنيەجٷزٸلٸك كٶشپەندٸلەر ويىندارى — حالىقارالىق ماڭىزى بار اۋقىمدى شارا. بٸز ٷشٸن ونىڭ قىرعىزستاننان تىس جەرلەردە كەڭٸنەن ناسيحاتتالۋى ٶتە ٶزەكتٸ مەسەلە. تمد ەلدەرٸنٸڭ اقپارات اگەنتتٸكتەرٸ اتالعان دودا تۋرالى جاڭالىقتاردى, رەپورتاجداردى جەنە باسقا دا ماتەريالداردى تۇراقتى تٷردە جارييالاپ وتىرسا, بٸز بۇعان ٶتە ريزا بولار ەدٸك, — دەدٸ مەدەربەك شەرمەتاليەۆ.
جيىنعا قاتىسۋشىلار تۋريستٸك كونتەنتتٸ جٷيەلٸ تٷردە الماسىپ وتىرۋدىڭ تيٸمدٸلٸگٸنە توقتالدى. ونداي ەرٸپتەستٸك تمد ەلدەرٸنٸڭ تۇرعىندارىن جاڭا تۋريستٸك باعىتتار مەن نىساندار تۋرالى كەڭٸنەن حاباردار ەتۋگە مٷمكٸندٸك بەرەدٸ. سونىڭ ارقاسىندا تۋريستٸك اعىن دا ارتادى.
