تۇرعىنداردىڭ ەكولوگيالىق بۇزۋشىلىق بويىنشا جاپپاي شاعىمدارىنان كەيىن شقو-دا ريددەر قالاسىنداعى كاسىپورىنداردىڭ ءبىرىنىڭ جۇمىسى ءۇش ايعا توقتاتىلدى. جوعارى سوت وسىنداي شەشىم شىعاردى، دەپ حابارلايدى Dalanews.kz.
تۇرعىندار شاعىمىنان كەيىن جۇرگىزىلگەن جوسپاردان تىس تەكسەرۋ ناتيجەسىندە ج ش س ءوزى جالعا العان اۋماقتا وندىرىستىك قالدىقتاردى قايتا وڭدەۋ زاۋىتىنىڭ قۇرىلىسىنا دايىندىق جۇمىستارى اياسىندا كونسترۋكسيالاردى قۇراستىرۋ بويىنشا دانەكەرلەۋ جۇمىستارىن جانە الاڭدى تازارتۋ بويىنشا جەر قازۋ جۇمىستارىن جۇرگىزگەنى انىقتالدى.
"بۇل رەتتە قورشاعان ورتاعا ەميسسيالار مىندەتتى ەكولوگيالىق رۇقساتسىز ەسەپكە الىنعان، بۇل ەكولوگيالىق كودەكستىڭ 106-بابىن بۇزۋ بولىپ تابىلادى جانە اقبتك-نىڭ 328-بابىنىڭ 4-بولىگىنە جاتادى. ءجشس-نىڭ باسقارۋشى ديرەكتورى سوتتا اربالاردى دانەكەرلەۋدىڭ شامالى عانا جۇرگىزىلگەنىن، ونىڭ پىكىرىنشە، قازۋ جۇمىستارى جۇرگىزىلمەگەنىن ءتۇسىندىردى. تەك اۋماقتى تازالاۋ جۇمىستارى جۇرگىزىلگەن، ونى قازۋ جۇمىستارىمەن تەڭەستىرۋگە بولمايدى. سونداي-اق بۇل باعىتتاعى ءىس-شارالاردى توقتاتىپ، قالانىڭ يندۋستريالدى ايماعىنان باسقا ۋچاسكەنى تاڭداپ، تەحنيكالاردى سول جەرگە جوسپارلى تۇردە كوشىرۋ تۋرالى باياندادى. ءبىراق ول جاۋاپكەرشىلىگى شەكتەۋلى سەرىكتەستىكتە (ج ش س) قاجەتتى ەكولوگيالىق رۇقساتتىڭ جوقتىعىن جوققا شىعارمادى"، دەلىنگەن جوعارى سوت حابارلاماسىندا.
ج ش س وكىلدەرى كىنالارىن مويىنداماي، ولاردىڭ ارەكەتى قۇرىلىس جۇمىستارىنىڭ سيپاتىنا جاتپايتىنىن العا تارتقانىنا قاراماستان، سوت قۇرىلىس-مونتاجداۋ قىزمەتىنىڭ باستالۋى جانە رۇقسات قۇجاتىنىڭ جوقتىعى فاكتىسىن انىقتادى، بۇل تۇرعىندار ۇسىنعان تەكسەرۋ اكتىلەرىمەن جانە فوتوماتەريالدارمەن راستالادى.
اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان سوت ءىستى وقيعا ورنىندا قاراپ، ءجشس-نىڭ ارەكەتى قورشاعان ورتاعا كەرى اسەرىن تيگىزگەن دەگەن قورىتىندىعا كەلدى. ج ش س اقبتك-نىڭ 328-بابىنىڭ 4-بولىگىمەن كىنالى دەپ تانىلىپ، وعان اكىمشىلىك جازا تاعايىندالدى: ءۇش ايعا قىزمەتكە تىيىم سالۋمەن 1،9 ملن تەڭگە ايىپپۇل سالىندى.
قاۋلى زاڭدى كۇشىنە ەنگەن جوق.
