مينيستردٸڭ ايتۋىنشا, بٸر توپ ادام قازاقستاندا 55 قىتايلىق كەسٸپورىن اشىلادى دەپ كٶشەگە شىققان.
"بۇل اقپارات جالعان, مۇنداي ەشقانداي كەسٸپورىن اشىلعالى جاتقان جوق. بٸرلەسكەن كەسٸپورىندار, ينۆەستيتسييالار بار. الايدا قازٸر ەلەۋمەتتٸك جەلٸلەردە جالعان اقپارات تاراپ جاتىر, ول زاڭسىز. ەگەر ول جەردە زاڭسىز شەرۋلەرگە ٷندەيتٸن بولسا, ٸشكٸ ٸستەر ورگاندارى ميتينگٸلەردٸڭ جولىن كەسەدٸ", - دەدٸ ول مەجٸلٸس كۋلۋارىندا.
تۇرعىمباەۆ قازٸر جاڭاٶزەندە بەرٸ تىنىش ەكەنٸنە سەندٸردٸ. ايتۋىنشا, كەشە وبلىس ەكٸمٸ تۇرعىندارمەن كەزدەسٸپ, بارلىق سۇراعىنا جاۋاپ بەرگەن.
2 قىركٷيەكتە جاڭاٶزەندە جٷزدەگەن ادام ەكٸمدٸكتٸڭ الدىنا جينالعان ەدٸ. ولار قازاقستاندا قىتايلىق زاۋىتتاردىڭ قۇرىلىسىنا تىيىم سالۋدى تالاپ ەتكەن.
كەيٸنٸرەك سىرتقى ٸستەر مينيسترٸنٸڭ ورىنباسارى ەرمەك كٶشەرباەۆ بريفينگ ٶتكٸزٸپ, قىتايدىڭ ەسكٸ زاۋىتتارى قازاقستانعا كٶشٸرٸلەدٸ دەگەن اقپاراتتىڭ شىندىققا جاناسپايتىنىن مەلٸمدەگەن بولاتىن.
