Ministrdiń aitýynsha, bir top adam Qazaqstanda 55 qytailyq kásiporyn ashylady dep kóshege shyqqan.
"Bul aqparat jalǵan, mundai eshqandai kásiporyn ashylǵaly jatqan joq. Birlesken kásiporyndar, investitsiialar bar. Alaida qazir áleýmettik jelilerde jalǵan aqparat tarap jatyr, ol zańsyz. Eger ol jerde zańsyz sherýlerge úndeitin bolsa, ishki ister organdary mitingilerdiń jolyn kesedi", - dedi ol májilis kýlýarynda.
Turǵymbaev qazir Jańaózende bári tynysh ekenine sendirdi. Aitýynsha, keshe oblys ákimi turǵyndarmen kezdesip, barlyq suraǵyna jaýap bergen.
2 qyrkúiekte Jańaózende júzdegen adam ákimdiktiń aldyna jinalǵan edi. Olar Qazaqstanda qytailyq zaýyttardyń qurylysyna tyiym salýdy talap etken.
Keiinirek syrtqy ister ministriniń orynbasary Ermek Kósherbaev brifing ótkizip, Qytaidyń eski zaýyttary Qazaqstanǵa kóshiriledi degen aqparattyń shyndyqqa janaspaitynyn málimdegen bolatyn.
