سەمەيدە تانكتەر مەن ٶزگە دە بروندى تەحنيكانى جٶندەۋگە ماماندانعان "سەمەي ينجينيرينگ" كەسٸپورنى جەكەشەلەندٸرٸلمەك. "قازاقستان ينجينيرينگ" ۇلتتىق كومپانيياسىنا تيەسٸلٸ زاۋىتتىڭ باستاپقى باعاسى 70,8 ملرد تەڭگە بولىپ بەلگٸلەندٸ, دەپ حابارلايدى dalanews.kz.
e-Qazyna ەلەكتروندى ساۋدا الاڭىنداعى مەلٸمەتكە سەيكەس, اۋكتسيونعا كەسٸپورىننىڭ 2 608 500 جاي اكتسيياسى, ياعني جارعىلىق كاپيتالىنداعى 100 پايىز ٷلەسٸ قويىلعان. ساۋدا 27 قاراشادا ساعات 11:00-دە باعانى كٶتەرۋ ەدٸسٸمەن ٶتەدٸ. قاتىسۋشىلار 10,625 ملرد تەڭگە كٶلەمٸندە كەپٸلدٸك جارنا تٶلەۋگە تيٸس.
زاۋىتتى ساتىپ الۋ ٷشٸن باستاپقى سومانى تٶلەۋ جەتكٸلٸكسٸز. جاڭا مەنشٸك يەسٸنە كەسٸپورىننىڭ "قازاقستان ينجينيرينگ" الدىنداعى 2,87 ملرد تەڭگە قارىزىن ٶتەۋ مٸندەتٸ دە جٷكتەلەدٸ. بۇل بەرەشەك 2014 جىلعى ديۆيدەندتەرگە بايلانىستى قالىپتاسقان. وسىلايشا, ينۆەستوردىڭ جالپى قارجىلاي مٸندەتتەمەسٸ كەمٸندە 73,7 ملرد تەڭگەگە جەتۋٸ مٷمكٸن. بۇل سوماعا ٶندٸرٸستٸ جاڭعىرتۋعا قاجەت قوسىمشا ينۆەستيتسييالار كٸرمەيدٸ.
ساتىپ الۋشى كەسٸپورىننىڭ نەگٸزگٸ قىزمەت باعىتىن ساقتاپ, ەسكەري تەحنيكانى جٶندەۋ جەنە جاڭعىرتۋ جۇمىستارىن جالعاستىرۋعا مٸندەتتٸ. سونىمەن قاتار مەملەكەتتٸك قورعانىستىق تاپسىرىستاردى ۋاقىتىلى ورىنداۋ, ازاماتتىق ٶنٸم شىعارۋدى توقتاتپاۋ, جاڭا تەحنولوگييالار ەنگٸزۋ جەنە جۇمىس ورىندارىن قىسقارتپاۋ تالاپ ەتٸلەدٸ. قازٸر زاۋىتتا ورتا ەسەپپەن 349 ادام ەڭبەك ەتەدٸ.
جاڭا مەنشٸك يەسٸنە اكتسييالاردى ساتىپ العاننان كەيٸنگٸ العاشقى 12 ايدا قايتا ساتۋعا, كەپٸلگە قويۋعا نەمەسە ٶزگە تۇلعانىڭ باسقارۋىنا بەرۋگە تىيىم سالىنادى.
"سەمەي ينجينيرينگ" كەسٸپورنى ت-72 تانكتەرٸن, جاياۋ ەسكەردٸڭ جاۋىنگەرلٸك ماشينالارىن, برونەترانسپورتەرلەردٸ, ەسكەري اۆتوموبيلدەر مەن ينجەنەرلٸك تەحنيكانى كٷردەلٸ جٶندەپ, جاڭعىرتادى. ونىڭ ٶندٸرٸستٸك بازاسى بروندى تەحنيكانى جٶندەۋدٸڭ تولىق تسيكلٸن اتقارۋعا مٷمكٸندٸك بەرەدٸ.
زاۋىتتىڭ تاريحى 1976 جىلدان باستالادى. العاشقى ٶندٸرٸستٸك كەشەنٸ 1987 جىلى ٸسكە قوسىلعان. 17,4 گەكتار اۋماقتى الىپ جاتقان كەسٸپورىندا كەڭەس وداعى كەزٸندە 1,5 مىڭعا جۋىق ادام جۇمىس ٸستەگەن. 2004 جىلى ونىڭ مەملەكەتتٸك اكتسييالار پاكەتٸ "قازاقستان ينجينيرينگ" ۇلتتىق كومپانيياسىنا بەرٸلدٸ.