ساتىپ الىنعان تەحنيكالار وبلىستىڭ سۋ جەنە اۋىل شارۋاشىلىعىن دامىتۋعا ايرىقشا سەرپٸن بەرەدٸ دەپ كٷتٸلۋدە. ۇلىبريتانييا مەن جاپونييانىڭ «JCB»,«HITACHI» كومپانييالارىنىڭ 10 شىنجىر تاباندى جەنە 2 دٶڭگەلەكتٸ, زاماناۋي ەكسكوۆاتورىن ماماندار جوعارى باعالاپ وتىر.
وعان قوسا بۋلدوزەر جەنە ٶزگە دە تەحنيكالار ەل يگٸلٸگٸنە قىزمەت ەتپەك.
ورداباسى اۋدانىنداعى اتالعان مەكەمەنٸڭ ٶندٸرٸستٸك-تەحنيكالىق بازاسىندا ٶتكەن جيىنعا تٷركٸستان وبلىسىنىڭ ەكٸمٸ دارحان ساتىبالدى ارنايى بارىپ قايتتى.
– ٶزدەرٸڭٸزگە بەلگٸلٸ, ەلەمدە سۋ تاپشىلىعى مەسەلەسٸنٸڭ ٶزەكتٸلٸگٸ جىل ٶتكەن سايىن ارتۋدا. سوندىقتان ەر تامشى سۋدى ٷنەمدەۋدٸ ٷيرەنەيٸك. مەملەكەت باسشىسى قاسىم-جومارت توقاەۆ سۋ قاۋٸپسٸزدٸگٸن قامتاماسىز ەتۋ – ستراتەگييالىق ماڭىزى بار مٸندەت ەكەندٸگٸن اتاپ ٶتٸپ, ٷكٸمەت سۋ كودەكسٸنٸڭ جاڭا جوباسىن ەزٸرلەپ جاتقاندىعىن, وسى تۇستا سۋ رەسۋرستارىن تيٸمدٸ باسقارۋعا جەنە ولاردى قورعاۋعا باسا نازار اۋدارۋدى تاپسىردى.
بۇل ماقساتتا تٷركٸستان وبلىسىندا جۇمىستار اتقارىلۋدا. تٷركٸستان ٶڭٸرٸندە ورتاشا ەسەپپەن جىل سايىن 210 ملن تەكشە مەتر اعىن سۋ تاپشىلىعى ورىن العان بولاتىن. وسى مەسەلەنٸ شەشۋ ٷشٸن, وبلىستا بٸر قاتار سۋ نىساندارىنىڭ قۇرىلىستارى باستالىپ, 2 ٸرٸ سۋ نىساندارى پايدالانۋعا بەرٸلدٸ.
سونىمەن قاتار «بورالداي», «بەيدٸبەك اتا» سۋ قويمالارىن سالۋ جوبالارى ەزٸرلەنۋدە. اتالعان جوبالار ٸسكە اسىرىلعان جاعدايدا تٷركٸستان ٶڭٸرٸ كەپٸلدٸ اعىن سۋمەن قامتاماسىز ەتٸلەتٸن بولادى, – دەگەن دارحان ساتىبالدى وبلىستاعى سۋ شارۋاشىلىعىنىڭ دامۋىنا ٷلەس قوسىپ كەلە جاتقان ازاماتتاردى ماراپاتتاپ, قۇرمەت كٶرسەتتٸ.
وبلىستا 552 مىڭ گەكتار سۋارمالى جەر بار, رەسپۋبليكالىق كٶرسەتكٸشتٸڭ 4/1 بٶلٸگٸ. ٶڭٸردە سۋ نىساندارىنىڭ قۇرىلىستارى باستالىپ, 2 ٸرٸ سۋ نىسانى پايدالانۋعا بەرٸلدٸ. قازٸرگٸ ۋاقىتتا وبلىستىق كوممۋنالدىق مەنشٸكتە 17 سۋ قويما, 3 سۋ تورابى, 3 ماگيسترالدى كانال جەنە 107 ٸشكٸ شارۋاارالىق كانال بار. ولاردى كٷتٸپ-ۇستاۋ قىزمەتٸن «تۇران سۋ» كەسٸپورنى اتقارۋدا.
مەحانيكالىق تازارتۋ ارقىلى سۋ ارنالارى اشىلىپ, اعىن سۋ جەتكٸزۋ ساپاسى ارتادى.
تٷركٸستان ٶڭٸرٸ كەپٸلدٸ اعىن سۋمەن قامتاماسىز ەتٸلەتٸن بولادى. سونىمەن بٸرگە بۇل تٶتەنشە جاعدايلاردىڭ الدىن الۋ شارالارىنىڭ بٸرٸ.
تٷركٸستان وبلىسىندا سىيىمدىلىعى 18 ملن. تەكشە مەتردٸ قۇرايتىن «كەڭساي-قوسقورعان-2» سۋ قويماسى سالىنىپ, نەتيجەسٸندە, جىلىنا قوسىمشا 34 ملن. تەكشە مەتر اعىن سۋدى جەتكٸزۋگە مٷمكٸندٸك اشىلدى. «تٷركٸستان» ماگيسترالدى كانالىنىڭ 59 شاقىرىمىن بەتونداۋ ارقىلى جىلىنا 60 ملن. تەكشە مەتر اعىن سۋدى ٷنەمدەۋگە قول جەتكٸزٸلدٸ. سونىمەن قاتار «بورالداي», «بەيدٸبەك اتا» سۋ قويماسىن سالۋ جوبالارى ەزٸرلەنۋدە.
