Satyp alynǵan tehnikalar oblystyń sý jáne aýyl sharýashylyǵyn damytýǵa airyqsha serpin beredi dep kútilýde. Ulybritaniia men Japoniianyń «JCB»,«HITACHI» kompaniialarynyń 10 shynjyr tabandy jáne 2 dóńgelekti, zamanaýi ekskovatoryn mamandar joǵary baǵalap otyr.
Oǵan qosa býldozer jáne ózge de tehnikalar el igiligine qyzmet etpek.
Ordabasy aýdanyndaǵy atalǵan mekemeniń óndiristik-tehnikalyq bazasynda ótken jiynǵa Túrkistan oblysynyń ákimi Darhan Satybaldy arnaiy baryp qaitty.
– Ózderińizge belgili, álemde sý tapshylyǵy máselesiniń ózektiligi jyl ótken saiyn artýda. Sondyqtan ár tamshy sýdy únemdeýdi úireneiik. Memleket basshysy Qasym-Jomart Toqaev sý qaýipsizdigin qamtamasyz etý – strategiialyq mańyzy bar mindet ekendigin atap ótip, Úkimet Sý kodeksiniń jańa jobasyn ázirlep jatqandyǵyn, osy tusta sý resýrstaryn tiimdi basqarýǵa jáne olardy qorǵaýǵa basa nazar aýdarýdy tapsyrdy.
Bul maqsatta Túrkistan oblysynda jumystar atqarylýda. Túrkistan óńirinde ortasha eseppen jyl saiyn 210 mln tekshe metr aǵyn sý tapshylyǵy oryn alǵan bolatyn. Osy máseleni sheshý úshin, oblysta bir qatar sý nysandarynyń qurylystary bastalyp, 2 iri sý nysandary paidalanýǵa berildi.
Sonymen qatar «Boraldai», «Báidibek ata» sý qoimalaryn salý jobalary ázirlenýde. Atalǵan jobalar iske asyrylǵan jaǵdaida Túrkistan óńiri kepildi aǵyn sýmen qamtamasyz etiletin bolady, – degen Darhan Satybaldy oblystaǵy sý sharýashylyǵynyń damýyna úles qosyp kele jatqan azamattardy marapattap, qurmet kórsetti.
Oblysta 552 myń gektar sýarmaly jer bar, Respýblikalyq kórsetkishtiń 4/1 bóligi. Óńirde sý nysandarynyń qurylystary bastalyp, 2 iri sý nysany paidalanýǵa berildi. Qazirgi ýaqytta oblystyq kommýnaldyq menshikte 17 sý qoima, 3 sý toraby, 3 magistraldy kanal jáne 107 ishki sharýaaralyq kanal bar. Olardy kútip-ustaý qyzmetin «Turan sý» kásiporny atqarýda.
Mehanikalyq tazartý arqyly sý arnalary ashylyp, aǵyn sý jetkizý sapasy artady.
Túrkistan óńiri kepildi aǵyn sýmen qamtamasyz etiletin bolady. Sonymen birge bul tótenshe jaǵdailardyń aldyn alý sharalarynyń biri.
Túrkistan oblysynda syiymdylyǵy 18 mln. tekshe metrdi quraityn «Keńsai-Qosqorǵan-2» sý qoimasy salynyp, nátijesinde, jylyna qosymsha 34 mln. tekshe metr aǵyn sýdy jetkizýge múmkindik ashyldy. «Túrkistan» magistraldy kanalynyń 59 shaqyrymyn betondaý arqyly jylyna 60 mln. tekshe metr aǵyn sýdy únemdeýge qol jetkizildi. Sonymen qatar «Boraldai», «Báidibek ata» sý qoimasyn salý jobalary ázirlenýde.
