Jambyl oblysynyń Shý aýdanynda 2026-2027 jyldarǵa arnalǵan «Qazaqmys korporatsiiasy» JShS men jergilikti ákimdik arasyndaǵy jyl saiynǵy memorandýmda kórsetilgen negizgi áleýmettik jobalardy iske asyrý aiaqtalýǵa jaqyn, dep habarlaidy dalanews.kz.
Kompaniia aýyldyq sport alańdary men balabaqshalardan bastap kóshelerdi jaryqtandyrý men iri sport keshenderine deiingi toǵyz jobany qarjylandyrdy. Aýdandaǵy baǵdarlamanyń jalpy biýdjeti shamamen 800 mln teńgeni quraidy.
Birlik aýylynda saiabaq kógaldandyryldy, qazirgi ýaqytta ortalyq aýmaqqa «Dombyra» eskertkishi ornatylyp, abattandyrý jumysy júrgizilýde. Bul jobaǵa 12,6 mln teńge bólindi. Búgingi kúni tas jabyny tóselip, qorshaý qoiyldy, al eskertkish jumystyń sońǵy kezeńinde ornatylady. Iske asyrylyp jatqan jobalardyń jalpy quny 22,6 mln teńgeni quraidy.
Birneshe eldi mekende sport jáne balalar alańdary jabdyqtalýda. Atap aitqanda, Qonaev aýylynda 34,7 mln teńgeni quraityn joba aiasynda shaǵyn-fýtbol alańy men oǵan japsarlas balalar oiyn alańy salynýda. Munda syrtqy qorshaý qoiylyp, tartan jabyny tóseldi. Kókqainar aýylyndaǵy mektep aýmaǵynda shamamen 20 mln teńgege sport alańdary jabdyqtalýda, kógal jabyny tóselip, jańa voleibol jáne basketbol alańdaryna arnalǵan qorshaý jóndelýde. Sonymen qatar jergilikti turǵyndardyń ótinishi boiynsha Birlikústem aýylynda 25,5 mln teńgege alty kóshege jaryqtandyrý jumysy júrgizildi.
Sonymen qatar memorandým aiasynda Shý qalasynda sporttyq-saýyqtyrý kesheniniń qurylysy bastaldy. Jobanyń quny 627 mln teńgeni quraidy. Is barysynda 25 mln teńgege Qonaev aýylyndaǵy balabaqsha jóndeledi jáne 15 mln teńgege Shoqpar aýylynda abattandyrý jáne kógaldandyrý jumysy júzege asyrylady.
Ákimdikpen birlesken ózara is-qimyldyń dál osy formaty kompaniia qyzmet etetin óńirlerdegi aýyldyq infraqurylymdy júieli túrde jańǵyrtýǵa múmkindik beredi. Nátijesinde balalardyń bos ýaqytyn tiimdi uiymdastyrýǵa jaǵdai jasalyp, mektep sportyn damytýǵa qoldaý kórsetiledi jáne turǵyndardyń kúndelikti turmystyq qajettiligin sheshýge baǵyttalǵan jumys oryndalady.
