بۇگىندە ول اق سابىن شىعارۋ جولىندا ىزدەنىپ، جاڭا قۇرام ويلاپ تاپتى. ەرەكشەلىگى – تازا قويدىڭ مايى، يتشوعان ءشوبى مەن ەفير مايىنىڭ قۇرامىمەن دايىندالادى.
– بۇل اق سابىندى سىرتقى ماتاسىمەن بىرگە قولدانا بەرەدى. 100 تەڭگەدەن ساۋدالاپ وتىرمىن. تابيعي ءونىم بولعاسىن، وتە جاقسى كوپىرەدى. جاسالۋ تەحنولوگياسىن مەملەكەتتىك ستاندارتقا ساي جانە ءوزىمنىڭ ىزدەنىسىممەن جاساپ شىقتىم.
بۇل تۇرعىدا عالامتور جەلىسى ارقىلى كوپ زەرتتەۋ جۇرگىزدىم. قوسپاسىنا ءتۇرلى شوپتەردىڭ قايناتىلعان تۇنباسى مەن 100 پايىزدىق ەفير مايىن قوسا قولدانامىن. وسى ءىستى دامىتۋ ماقساتىندا ىزدەنىپ، اق سابىننىڭ وندىرىلۋىنە جول تاپتىم. اق سابىندى 1 كۇندە 100 دانا شىعارۋ مۇمكىندىگى بار. ەندى تاۋارلىق ساپاسى مەن قوراپتاۋ جاعىن قولعا الماقپىن. ول ءۇشىن كاسىپكەر رەتىندە تىركەلىپ، «اتامەكەن» كۋرستارىنان وتۋگە شەشىم قابىلدادىم، – دەيدى جەڭىس الاشابايەۆ.
باعاسى حالىققا ءتيىمدى، قۇرامى حيميالىق قوسپاسىز جەرگىلىكتى ءونىمدى الدىمەن جەڭىستىڭ اعايىن-تۋمالاستارى الىپ باستاعان. اپتاسىنا 100-دەن 300-گە دەيىن سابىن شىعارىپ وتىرعان جەڭىسكە دۇكەندەردەن دە ۇسىنىستار تۇسۋدە.
