Búginde ol aq sabyn shyǵarý jolynda izdenip, jańa quram oilap tapty. Ereksheligi – taza qoidyń maiy, itshoǵan shóbi men efir maiynyń quramymen daiyndalady.
– Bul aq sabyndy syrtqy matasymen birge qoldana beredi. 100 teńgeden saýdalap otyrmyn. Tabiǵi ónim bolǵasyn, óte jaqsy kópiredi. Jasalý tehnologiiasyn memlekettik standartqa sai jáne ózimniń izdenisimmen jasap shyqtym.
Bul turǵyda ǵalamtor jelisi arqyly kóp zertteý júrgizdim. Qospasyna túrli shópterdiń qainatylǵan tunbasy men 100 paiyzdyq efir maiyn qosa qoldanamyn. Osy isti damytý maqsatynda izdenip, aq sabynnyń óndirilýine jol taptym. Aq sabyndy 1 kúnde 100 dana shyǵarý múmkindigi bar. Endi taýarlyq sapasy men qoraptaý jaǵyn qolǵa almaqpyn. Ol úshin kásipker retinde tirkelip, «Atameken» kýrstarynan ótýge sheshim qabyldadym, – deidi Jeńis Alashabaev.
Baǵasy halyqqa tiimdi, quramy himiialyq qospasyz jergilikti ónimdi aldymen Jeńistiń aǵaiyn-týmalastary alyp bastaǵan. Aptasyna 100-den 300-ge deiin sabyn shyǵaryp otyrǵan Jeńiske dúkenderden de usynystar túsýde.
