تٷن ٸشٸندە سەمەيدە ٶرت شىعىپ, بٸرنەشە ٷيدٸ شارپىدى, دەپ حابارلايدى Dalanews.kz.
سەمەي قالاسىندا گيوتە كٶشەسٸندەگٸ جەكە اۋماقتا ٶرت شىققان. الدىن الا مەلٸمەت بويىنشا ٶرت الدىمەن ۋاقىتشا باسپانادا باستالىپ, كەيٸن قاسىندا تۇرعان تۇرعىن ٷيگە تاراعان. تىعىز ورنالاسقان جەكە ٷيلەردٸڭ سالدارىنان تٸلسٸز جاۋ كٶرشٸ ٷيگە دە تەز تارالعان.
ٶرت سٶندٸرۋ بٶلٸمشەلەرٸنٸڭ العاشقى قۇرامدارى وقيعا ورنىنا شاقىرتۋ تٷسكەننەن كەيٸن بەس مينۋت ٸشٸندە جەتكەن.
"الايدا ٶرت تۋرالى حابار كەش بەرٸلگەندٸكتەن, كەلگەن كەزدە ٷش ٷيدٸ جالىن شارپىعان ەدٸ. تجد قىزمەتكەرلەرٸ سۋدىڭ ٷزدٸكسٸز بەرٸلۋٸن قامتاماسىز ەتٸپ, ٶرتتٸڭ تارالۋىن شەكتەدٸ. ٶرت جالپى اۋدانى شامامەن 220 شارشى مەتر اۋماقتا سٶندٸرٸلدٸ. زارداپ شەككەندەر جوق. ٶرتتٸ سٶندٸرۋگە 30-عا جۋىق جەكە قۇرام قىزمەتكەرٸ مەن 10 تەحنيكا جۇمىلدىرىلدى",- دەپ جازىلعان حابارلامادا.
