– تاۋلى مەكەن تۇلكىباستىڭ اۋا-رايى سارىاعاش، جەتىساي، شاردارا سياقتى اۋداندارعا قاراعاندا سالقىنداۋ بولىپ كەلەدى. سوندىقتان دا باقشا ونىمدەرىنىڭ بۇل تۇرلەرى بىزدە ەگىلە بەرمەيدى. ال، قاربىزدىڭ «دەنسۋكە» جانە «ۆولگوگراد» اتتى تۇقىمدارى ءبىزدىڭ كليماتقا توزىمدىرەك بولىپ كەلەدى. ونىڭ ءوزىن اشىق الاڭقايدا ەمەس، جىلىجايدا ءوندىرىپ الامىز. ياعني، تامىر جايىپ، ءونىم بەرگەنشە وزىنە ءتان كۇتىمدى قاجەت ەتەدى، – دەدى باعبان قاريا.
بۇگىندە ءاجىباي اقساقالدىڭ 6 گەكتار جەرىندە قاۋىننىڭ 3، قاربىزدىڭ 6 ءتۇرى جايقالىپ تۇر. ونىڭ سوزىنشە، قاربىز تامىز ايىنىڭ ورتا شەگىندە ءپىسىپ جەتىلەدى.
ءار گەكتارىنان 30 تونناعا جۋىق ءونىم الۋدى كوزدەپ وتىر. ايتا كەتەيىك، كوپكە ۇلگى بولىپ وتىرعان اقساقال قوسىمشا 3 گەكتار جەرگە ەككەن كارتوبىنان، گەكتارىنا 40-50 تونناعا جۋىق ءونىم الۋدى جوسپارلاپ قويعان.
