تۇلكىباس اۋدانىنان جىل باسىنان بەرى جالپى 5 362 تۋريست كەلگەن. ونىڭ ىشىندە 473 شەتەل ازاماتتارى. بۇل كورسەتكىشتەر بىلتىرعى جىلدىڭ ءتيىستى كەزەڭىمەن سالىستىرعاندا 840 تۋريستكە نەمەسە 9 پايىزعا ارتىپ وتىر.

بارشامىزعا بەلگىلى ورنالاستىرۋ ورىندارى بولماسا تۋريزم دە بولمايدى.اۋدان اۋماعىندا 2 قوناق ءۇي: «كاريما» جانە «ەرەجەپ اتا»، 2 ەمدىك-ساۋىقتىرۋ ورىنى: «اقسۋ-جاباعىلى وڭالتۋ ساۋىقتىرۋ كەشەنى» جانە «اق-بۇلاق بالالار وكپە قۇرت ەمدىك شيپاجايى»، 7 بالالار ساۋىقتىرۋ لاگەرى: «ماشات-اراسان»، «تاڭ نۇرى»، «ماشات ەركە»، «ارمان»، «ب.ساتتارحانوۆ»، «وتىرار»، «وربيتا»، 18 دەمالىس ايماقتارى كەلىپ دەمالۋشى قوناقتارعاقىزمەت كورسەتەدى. «باتىس ەۋروپا-باتىس جۇڭگو» ءاۆتودالىزىنىڭ تۇلكىباس اۋدانى اۋماعىندا دا جول بويى قىزمەت كورسەتۋ ورتالىقتارى اشىلىپ، جۇمىس ىستەۋدە.

سونىمەن قاتار گۇلدەر، ۆودنيك بالالار لاگەرلەرىن دە قايتا قۇرىلىمداۋ، قالپىنا كەلتىرتۋ جۇمىستارى جۇرگىزىلۋدە.

اۋدان اۋماعىندا تۋريزم سالاسىن دامىتۋعا باعىتتالعان ءبىرشاما   ينۆەستيسيالىق جوبالار بيىل ىسكە قوسىلۋى جوسپارلانىپ وتىر.