ءماجىلىس دەپۋتاتى باقىتجان بازاربەك جەردى زاڭسىز بەرگەن بەلگىلى شەنەۋنىكتەردىڭ ەسىمىن اتادى، دەپ حابارلايدى Dalanews.kz.
ونىڭ ايتۋىنشا، "زاڭسىز بەرىلگەن جەر" ماسەلەسى بىرنەشە رەت كوتەرىلىپ، ءتىپتى سوتقا دەيىن بارعان.
"بارلىق ءوڭىردى ارالاپ، ءتيىستى تەكسەرىس جۇمىسىن جۇرگىزدىم. الماتى، شىمكەنت، اتىراۋ قالالارى، الماتى وبلىسى، جەتىسۋ جانە تۇركىستان وبلىسى بويىنشا ءتيىستى قاۋلىلاردى كوتەردىك. تۋىندايتىن سۇراق وتە كوپ. ءبىر عانا مىسال كەلتىرەيىن. الماتى قالاسىن الاتىن بولساق، مۇندا ءبىرتالاي قاۋلىنى قاراعانبىز. ولاردى تەكسەرۋدەن بولەك، سوتتىڭ شەشىمدەرى بار زاڭ كۇشىنە ەنگەن. ال سوت شەشىمىنە سايكەس اكىمدەر جەردى زاڭسىز بەرگەنى انىقتالدى. جەر كودەكسىنىڭ 43، 44 – 1، 49-1 باپتارىن قاتاڭ تۇردە بۇزىپ، جەردى بەردى دەگەن سوتتىڭ شەشىمدەرى بار. ولار - احمەتجان ەسىموۆ، يمانعالي تاسماعامبەتوۆ، باۋىرجان بايبەك. ءتىپتى مەن ءوزىم زاڭگەر رەتىندە بايبەك اكىم بولعان كەزىندە ءۇش قاۋلىسىن زاڭسىز دەپ تانۋ تۋرالى سوتقا تالاپ-ارىز بەرىپ، سونىڭ ەكى قاۋلىسىن سوتتىڭ شەشىمى بويىنشا بۇزدىرتقانمىن. ماسەلەن، بارىمىزگە بەلگىلى "راحات" بازارىنىڭ ۇلكەن جەرىن "تكم" ج ش س قۇقىعىن شەكتەپ، "الماتى سپس" فيرماسىنا بەرىپ جىبەرگەن. ال "الماتى سپس" ارتىندا سول ەسكى قازاقستاننىڭ وكىلدەرى تۇر. ياعني باۋىرجان بايبەكتىڭ جاقىن تۋىستارىنىڭ اتىنا راسىمدەلگەن توو-لار. ءسويتىپ ءبىز ولاردى سوتقا بەرىپ، 3 جىل سوتتاستىق. 2022 جىلى الماتى قالالىق سوتىنىڭ شەشىمىمەن "الماتى سپس" فيرماسىنا بەرىلگەن جەر زاڭسىز ەكەنى ايتىلىپ، ءتيىستى سوتتىڭ شەشىمى شىقتى. باسقا مەملەكەتتەردە بۇل قاۋلىنى الىپ، پروكۋراتۋراعا جىبەرەدى. پروكۋراتۋرادا قىلمىستىق ءىس قوزعاۋعا بولاتىن ەدى"، - دەيدى باقىتجان بازاربەك Adal Adam YouTube ارناسىنا بەرگەن سۇحباتىندا.
بۇدان بولەك دەپۋتات الماتىنىڭ اپورتى ماسەلەسىنە توقتالىپ ءوتتى.
"الما باقتارىن الىپ قاراستىرايىقشى. "گورنىي گيگانت" دەگەن الما باعىنا حامىرايەۆتار وتباسى يەلىك ەتەدى. سول وتباسىعا تيەسىلى جەر باسىندا مەملەكەتتىك مەنشىككە قايتارىلعان. الماتىداعى الما باقتارىنىڭ ءوزى جوق بولىپ كەتكەن عوي. سول اپورت المالارى. ءقازىر ءبىز تۋريستىك سەكتوردى دامىتۋ ءۇشىن دە تۋريستىك ءونىم رەتىندە الماتىنىڭ اپورتىن ۇسىنىپ وتىرمىز. كەشە عانا توقايەۆ يتالياعا بارىپ تانىستىرعان ەدى. ال ءىس جۇزىندە اپورتتى وسىرەتىن بارلىق جەرگە كوتتەدج ءۇي سوعىپ تاستاعان ءارى ءزاۋلىم پەنتحاۋستار بوي كوتەرگەن. اپورتتىڭ ءبارىن كەسىپ تاستاعان. ءقازىر الماتىنىڭ اپورتى تەك ەكى جەردە وسەدى. بۇل كىشىگىرىم ساياجاي، ۇيلەردەگى اپورتتى الماعان كەزدە. مىڭ باقتىڭ ىشىندە ەكەۋى عانا قالدى. ول ءقازىر تەك تالعار جانە قاراساي اۋدانىندا عانا وسەدى. سول حامىرايەۆتاردىڭ جەرىنە ەسىموۆ، تاسماعامبەتوۆ، بايبەك، ساعىنتايەۆتىڭ قاتىسى بار. ەڭ سوڭىندا ءبىز "جەر اماناتى" كوميسسياسىنىڭ ناتيجەسىندە ساعىنتايەۆتىڭ قول قويعان قاۋلىسىن بۇزدىق. سوتتىڭ شەشىمى بويىنشا زاڭسىز دەپ تانىدىق. الىسقا بارۋدىڭ قاجەتى جوق. مىسالى، كازگۋ-دىڭ جەرىنە قاتىستى باۋىرجان بايبەك، ساعىنتايەۆتىڭ بەس قاۋلىسىن جانە ءتورت جالعا الۋ شارتىن زاڭسىز دەپ تانىدىق. ءۇش قاۋلىسى ءالى بار، بۇزىلماعان. وسىعان ۇقساس قاۋلىلاردىڭ الماتى قالاسى بويىنشا بىرنەشەۋىن بۇزدىرتتىم"، - دەيدى بازاربەك.
