قونىس اۋدارۋشىلاردىڭ ٷيٸنە پاۆلودار وبلىسىنىڭ ەكٸمٸ بولات باقاۋوۆ كٸرٸپ شىقتى.
ەسكە سالا كەتەيٸك, القا مەجٸلٸستەرٸنٸڭ بٸرٸندە ايماق باسشىسى ەرتٸس ٶڭٸرٸنە كەلگەن ورالمانداردىڭ جاعدايىمەن تانىسۋعا ۋەدە بەرگەن.
“مەن ەردايىم بالالارىم ٶز وتانىمدا تۇرسا ەكەن دەپ ارماندايتىن ەدٸم العاش رەت پاۆلودار وبلىسىنا سەۋٸر ايىندا كەلگەن ەدٸم. جەرگٸلٸكتٸ بيلٸك ٶكٸلدەرٸمەن سٶيلەستٸم. سوسىن جازدا وتباسىمدى الىپ كەلدٸم. مۇندا جەر جاقسى. قىتايدا دا ەرتٸستٸڭ جاعاسىندا تۇرعان ەدٸك. مال شارۋاشىلىعى ٷشٸن ٶتە قولايلى. سوندىقتان وسى جەردٸ تاڭدادىق ”, – دەيدٸ ادال حاميتحان.
بيىل جازدا ادال حاميتحان ەكٸ ۇلى مەن ەيەلٸن پاۆلودار وبلىسىنا اۆتوبۋسپەن جٸبەرگەن. ال, ٶزٸ جولداستارىمەن بٸرگە تراكتورمەن كەلگەن. ولار بٸر اپتا توقتاماي جٷرٸپ وتىرىپ, ولگينو اۋىلىنا دا جەتكەن.
قىتايداعى بارلىق مٷلكٸن ساتىپ, ۋسپەن اۋدانىنىڭ ولگينو اۋىلىنان ەكٸ ميلليون تەڭگەگە ٷي ساتىپ العان. ول 7 ملن تەڭگەگە شارۋاشىلىعىن اشتى.
قازٸرگٸ ۋاقىتتا قونىس اۋدارۋشىلار كۆوتا الۋ ماقساتىندا قۇجاتتارىن رەسٸمدەپ جاتىر. بۇل قارجى قىتاي مەن پاۆلودار وبلىسىنىڭ اراسىنداعى جول شىعىنىنا عانا جەتەدٸ.
ەندٸ ادال حاميتحاننان ٷلگٸ العان قىتايداعى تۋىستارى دا قازاقستانعا كٶشٸپ كەلۋگە بەل بايلاپ وتىر.
