Qonys aýdarýshylardyń úıine Pavlodar oblysynyń ákimi Bolat Baqaýov kirip shyqty.
Eske sala keteıik, alqa májilisteriniń birinde aımaq basshysy Ertis óńirine kelgen oralmandardyń jaǵdaıymen tanysýǵa ýáde bergen.
“Men árdaıym balalarym óz Otanymda tursa eken dep armandaıtyn edim Alǵash ret Pavlodar oblysyna sáýir aıynda kelgen edim. Jergilikti bılik ókilderimen sóılestim. Sosyn jazda otbasymdy alyp keldim. Munda jer jaqsy. Qytaıda da Ertistiń jaǵasynda turǵan edik. Mal sharýashylyǵy úshin óte qolaıly. Sondyqtan osy jerdi tańdadyq ”, – deıdi Adal Hamıthan.
Bıyl jazda Adal Hamıthan eki uly men áıelin Pavlodar oblysyna avtobýspen jibergen. Al, ózi joldastarymen birge traktormen kelgen. Olar bir apta toqtamaı júrip otyryp, Olgıno aýylyna da jetken.
Qytaıdaǵy barlyq múlkin satyp, Ýspen aýdanynyń Olgıno aýylynan eki mıllıon teńgege úı satyp alǵan. Ol 7 mln teńgege sharýashylyǵyn ashty.
Qazirgi ýaqytta qonys aýdarýshylar kvota alý maqsatynda qujattaryn rásimdep jatyr. Bul qarjy Qytaı men Pavlodar oblysynyń arasyndaǵy jol shyǵynyna ǵana jetedi.
Endi Adal Hamıthannan úlgi alǵan Qytaıdaǵy týystary da Qazaqstanǵa kóship kelýge bel baılap otyr.
