قاسىم-جومارت توقاەۆ ەلەم بەتپە-بەت كەلٸپ وتىرعان جاڭا سىن-قاتەرلەرگە قاتىستى پٸكٸر بٸلدٸردٸ, – دەپ حابارلايدى Dalanews.kz.
"بارشاڭىزعا بەلگٸلٸ, جاھاندىق ساۋدا سوعىسىنىڭ ٶرشۋٸ سالدارىنان دٷنيە جٷزٸندە كٷردەلٸ احۋال قالىپتاسىپ كەلەدٸ. ەگەر مۇنداي تەكەتٸرەس ورىن السا, ونىڭ زاردابىن بارلىق ەل تارتادى. وعان ەش كٷمەن جوق. بۇل رەتتە بٸز پرەزيدەنت ترامپتىڭ اتالعان قاقتىعىسقا قاتىسى بار ەلدەردٸڭ ۇستانىمدارىن ناقتىلاپ, مٷمكٸندٸگٸنشە كەلٸسسٶز باستاۋ ٷشٸن 90 كٷن موراتوريي جارييالاۋ تۋرالى بايىپتى شەشٸمٸن قۇپتايمىز", - دەدٸ پرەزيدەنت.
مەملەكەت باسشىسى مۇنايعا قاتىستى احۋال جايىندا دا پٸكٸر بٸلدٸردٸ.
"ساراپشىلار ەلدەردٸڭ بٸر-بٸرٸنە قارسى تاريفتەر ەنگٸزۋٸ ەلەم ەكونوميكاسىنىڭ قۇلدىراۋىنا تٷرتكٸ بولىپ, حالىقارالىق ساۋدا-ساتتىقتىڭ بٷكٸل ەرەجەسٸن تاس-تالقان ەتۋٸ, تٸپتٸ, ونىڭ سوڭى قارۋلى قاقتىعىستارعا دەيٸن ۇلاسۋى مٷمكٸن دەپ ەسكەرتەدٸ. اپتا باسىندا بارلىق نەگٸزگٸ يندەكستەردٸڭ مەنٸ تٶمەندەپ, مۇناي باعامى باررەلٸنە 60 دوللاردان اسپادى. الايدا امەريكا بيلٸگٸ تاريفتەردٸ كەيٸنگە قالدىرۋ تۋرالى شەشٸمٸن جارييالاعان سوڭ, بيرجاداعى باعالار ٶستٸ. قازٸر جاعداي بٸرشاما تۇراقتالعانى بايقالعانىمەن, ەلەمدٸك قور نارىعى مەن شيكٸزات بيرجالارى بۇرىن-سوڭدى بولماعان مازاسىز كٷيگە تٷسٸپ تۇر.
ەلەمنٸڭ قاتاڭ تاريفتٸك قاقتىعىستار ساياساتىنا كٶشكەنٸ انىق. ەڭگٸمە كەزەكتٸ رەتسەسسييا جايىندا عانا ەمەس, جاھاندىق ەكونوميكانىڭ ٸرگەسٸن شايقاپ, حالىقارالىق قاتىناستار جٷيەسٸنە اۋىر زاردابىن تيگٸزەتٸن داعدارىسقا بەت العانىمىزدا بولىپ وتىر. بٸز قازٸرگٸ احۋالدى مۇقييات ساراپتاپ, بارلىق قاۋٸپ-قاتەردٸ ەسكەرٸپ جاتىرمىز. ەشبٸر قيىندىققا قاراماستان, قازاقستان جان-جاقتى جاڭعىرۋ جولىنان اۋىتقىمايدى, ستراتەگييالىق باعدارىمىز دا ٶزگەرمەيدٸ. بٸز ينفراقۇرىلىم, كٶلٸك, ٶنەركەسٸپ, اۋىل شارۋاشىلىعى, تسيفرلاندىرۋ جەنە باسقا دا باعىتتار بويىنشا ٸرٸ جوبالارىمىزدى جٷزەگە اسىرا بەرەمٸز. جۇمىس توقتامايدى. سونداي-اق, ەرينە, مەملەكەتٸمٸز ەلەۋمەتتٸك مٸندەتتەمەلەرٸن ورىندايدى, – دەدٸ قاسىم-جومارت توقاەۆ.
