اقش پرەزيدەنتٸ دونالد ترامپ ۋكرايناداعى سوعىستىڭ باستالۋىنا ٷش ادام كٸنەلٸ دەپ سانايدى: رەسەي پرەزيدەنتٸ ۆلاديمير پۋتين, اقش-تىڭ بۇرىنعى پرەزيدەنتٸ دجو بايدەن جەنە ۋكراينا پرەزيدەنتٸ ۆلاديمير زەلەنسكيي. امەريكالىق كٶشباسشى بۇل تۋرالى 14 سەۋٸر, دٷيسەنبٸ كٷنٸ اق ٷيدەگٸ باسپاسٶز مەسليحاتىندا مەلٸمدەدٸ, دەپ حابارلايدى Dalanews.kz.
ترامپ تاعى دا ٶزٸنٸڭ پرەزيدەنتتٸگٸ تۇسىندا «پۋتيننٸڭ ۋكرايناعا قارسى سوعىس تۋرالى ويىنا دا كٸرٸپ-شىقپاعانىن» قايتالاپ, ال ٶزٸنەن بۇرىنعى پرەزيدەنت بايدەن سوعىستى «مۇناي باعاسىن تٶمەندەتۋ ارقىلى» توقتاتا الاتىنىن, بٸراق ونى جاساماعانىن ايتتى.
«ەندٸ نە ٸستەيمٸز? بٸزدە تەرريتوريياسىنىڭ 25 پايىزىن جەنە ەڭ جاقسى جەرلەرٸن جوعالتقان, ميلليونداعان ادام قازا تاپقان ەل بار... بۇل – بايدەننٸڭ سوعىسى, مەن ونى توقتاتۋعا تىرىسىپ جاتىرمىن. بٸز بۇل باعىتتا جاقسى جۇمىس ٸستەيمٸز دەپ ويلايمىن. وسىنى جٷزەگە اسىرامىز دەپ ٷمٸتتەنەمٸن», – دەدٸ ول.
ودان ەرٸ اقش پرەزيدەنتٸ ۋكرايناداعى سوعىسقا جول بەرمەۋگە بولاتىنىن, «بايدەن دە, زەلەنسكيي دە ونى توقتاتا الاتىنىن, ال پۋتين سوعىستى باستاماۋى تيٸس بولعانىن» ايتتى.
«بارلىعى كٸنەلٸ», – دەپ تٷيٸندەدٸ ترامپ.
وسىدان كەيٸن اق ٷي باسشىسى «ميلليونداعان ادامنىڭ قازاسىنا ٷش ادام كٸنەلٸ» دەگەن سٶزٸن تاعى بٸر مەرتە قايتالادى.
«ايتايىقشى, بٸرٸنشٸ – پۋتين. ەكٸنشٸسٸ – نە ٸستەپ جاتقانىنان مٷلدە حابارى بولماعان بايدەن. ٷشٸنشٸسٸ – زەلەنسكيي. ال مەنٸڭ قولىمنان كەلەتٸنٸ – مۇنى توقتاتۋعا تىرىسۋ. مەن كٸسٸ ٶلٸمٸن توقتاتقىم كەلەدٸ. بٸز بۇل تۇرعىدا جاقسى جۇمىس ٸستەپ جاتىرمىز دەپ ويلايمىن. جاقىن ارادا سٸزدەرگە ٶتە جاقسى ۇسىنىستار تٷسەدٸ دەپ سانايمىن», – دەدٸ ترامپ.
جۋرناليست سونداي-اق ترامپتىڭ سۋمى قالاسىنا جاسالعان سوققى تۋرالى ايتقان سٶزٸن تٷسٸندٸرۋٸن سۇراپ, ونىڭ بۇل وقيعانى «قاتەلٸك» دەپ اتاعانىن ەسكە سالدى. «قاتەلٸك – سوعىستىڭ باستالۋىنا جول بەرۋ ەدٸ», – دەپ جاۋاپ قاتتى ترامپ.
