اقش مەملەكەتتٸك ەكٸمشٸلٸگٸنٸڭ سايتىندا جارييالانعان مەلٸمەتكە سەيكەس, اق ٷي دجۋلي ستاففتتى قازاقستانداعى ەلشٸ قىزمەتٸنە تاعايىنداۋدى جوسپارلاپ وتىر. ونىڭ كانديداتۋراسىن ەندٸ سەنات بەكٸتۋٸ تيٸس, دەپ حابارلايدى Dalanews.kz.
دجۋلي ستاففت وگايو شتاتىندا دٷنيەگە كەلگەن. ول جەكە زەرتتەۋ ۋنيۆەرسيتەتٸ سانالاتىن Case Western Reserve پەن Duke University-دٸ تەمامداعان.
بۇعان دەيٸن مولدوۆا مەن دجيبۋتيدەگٸ اقش ەلشٸلٸكتەرٸندە ميسسييا باسشىسىنىڭ ورىنباسارى, ۇلتتىق قاۋٸپسٸزدٸك كەڭەسٸندە, سونداي-اق پولشا, رەسەي مەن ەفيوپيياداعى ديپلوماتييالىق ٶكٸلدٸكتەردە, مەملەكەتتٸك دەپارتامەنتتٸڭ جەدەل ورتالىعى مەن كونسۋلدىق قىزمەتتەر بيۋروسىندا جۇمىس ٸستەگەن.
Afsa.org سايتىندا كٶرسەتٸلگەندەي, ۇلتتىق قاۋٸپسٸزدٸك كەڭەسٸندە ول پرەزيدەنت دونالد ترامپتىڭ ارنايى كٶمەكشٸسٸ ەرٸ شەكارا مەن كٶلٸك قاۋٸپسٸزدٸگٸ جٶنٸندەگٸ اعا ديرەكتور بولعان.
بۇل لاۋازىمعا تاعايىندالعان العاشقى مەملەكەتتٸك دەپارتامەنت ٶكٸلٸ – ستاففت ەدٸ.
ايتا كەتەيٸك, اقش-تىڭ قازاقستانداعى ەلشٸسٸ قىزمەتٸن 2024 جىلدىڭ قاڭتارىنا دەيٸن دەنيەل روزەنبليۋم اتقارعان. ول كەتكەننەن كەيٸن ديپلوماتييالىق ٶكٸلدٸكتٸ ۋاقىتشا سەنٸمدٸ ٶكٸل دەببي روبينسون باسقاردى.
