باتىس قازاقستان وبلىسىنىڭ ءبورلى اۋدانىندا بەلگىسىز ۇشقىشسىز ۇشۋ اپپاراتىنىڭ جارىلىسى تىركەلدى، دەپ حابارلايدى Dalanews.kz.
قورعانىس مينيسترلىگى مالىمەتىنشە، ونىڭ قالدىقتارى ەلدى مەكەندەردەن الشاق ايماقتا تابىلدى.
"زارداپ شەككەندەر مەن ماتەريالدىق شىعىن تىركەلگەن جوق. ۋاكىلەتتى مەملەكەتتىك ورگاندارمەن بىرلەسىپ، وقيعانىڭ ءمان-جايىن جانە نىساننىڭ شىعۋ تەگىن انىقتاۋعا باعىتتالعان تەكسەرۋ ءىس-شارالارى جۇرگىزىلىپ جاتىر. قازاقستان رەسپۋبليكاسىنىڭ قورعانىس مينيسترلىگى اۋە كەڭىستىگىن باقىلاۋدى كۇشەيتۋ جانە اۋە نىساندارىنىڭ مەملەكەتتىك شەكارانى رۇقساتسىز كەسىپ ءوتۋىن بولدىرماۋ ماقساتىندا قوسىمشا شارالار قابىلدادى. سونداي-اق، بۇل اپپاراتتار تيەسىلى بولۋى مۇمكىن شەتەلدىك سەرىكتەستەرمەن كونسۋلتاسيالار جۇرگىزىلىپ جاتىر"، - دەپ جازىلعان مينيسترلىك حابارلاماسىندا.
ال باتىس قازاقستان وبلىسىنىڭ پوليسيا دەپارتامەنتى ۋاكىلەتتى ورگاندارمەن بىرلەسىپ، ءبورلى اۋدانىندا ۇشقىشسىز ۇشۋ اپپاراتىنىڭ سىنىقتارىنا ۇقساس زاتتار تابىلۋىنا بايلانىستى تەكسەرىس جۇرگىزىپ جاتىر.
