تٶرەعالي «ايقىننان» نەگە باس تارتتى?
بۇل تٶرەعالي تٶرەەلٸنٸڭ بٸرٸنشٸ رەت ٶتكٸزٸپ وتىرعان كەشٸ ەمەس. ەربٸر ايالدامادا, ەربٸر كٶشە بويىندا ٸلٸنگەن جارناما حالىقتى ەلەڭ ەتكٸزبەي قويمادى. وسىمەن ارمان قالا الماتىنىڭ ٶزٸندە ەكٸنشٸ رەت ٶتٸپ وتىر. بٸراق ەنشٸ جٸگٸتتٸڭ كەشٸ بولار الدىندا ونىڭ پيار-مەنەجدەرٸ فاريزا ەسٸمدٸ بويجەتكەنگە قوڭىراۋ شالدىق. ماقسات – ەنشٸمەن كەش الدىندا از-كەم تٸلدەسۋ. حابارلاسقانىمىزدى قايتەيٸك, سٶزٸمٸزدٸڭ سوڭىنا دەيٸن تىڭداماستان, تۇتقانى قويا سالدى. تٸلشٸلەرمەن نەگە تٸلدەسكٸسٸ كەلمەدٸ? بۇل ەنشٸنٸڭ كٶزقاراسى ما, ەلدە مەنەدجەرٸنٸڭ قالاۋى ما?
ۇققانىمىز – ەنشٸ گازەتكە سۇحبات بەرۋدەن قاشاتىن سەكٸلدٸ. نە سەبەپتٸ? سوڭعى كەزدەرٸ مۇنداي ٷردٸس ەنشٸلەردٸڭ اراسىندا كٶبەيٸپ كەتتٸ. سوندا ولاردىڭ قازاق باسىلىمدارىن مەنسٸنبەگەنٸ مە? تٸپتٸ كەيبٸرٸ گازەت وقىمايتىندىقتارىن, قازاق باسپاسٶزٸنەن مٷلدەم حابارسىز ەكەندٸكتەرٸن جاسىرمايدى. بۇل نە? «جۇلدىزدىق» پا, ەلدە مەنمەندٸك پە?
تٶرەعاليدىڭ جۇلدىز «اۋرۋىنا» شالدىققانى العاش ەمەس. «اللو» ەنٸنە بايلانىستى دا قوڭىراۋ شالىپ, حابارلاسا الماعانبىز. وندا دا تەلەفون تۇتقاسىن كٶتەرگەن «كٶمەكشٸلەرٸ» گازەت تٸلشٸسٸمەن تٸلدەسە المايتىندىعىن جەتكٸزگەن ەدٸ.
حالىقتىڭ كٶزٸ, قۇلاعى, ھەم تٸلٸنە اينالعان قازاق باسپاسٶزٸ تٶرەعاليعا كەرەك بولماسا, تٶرەعاليدىڭ دا قازاق جۋرناليستەرٸنە قاجەتٸ بار ما? تەلەارنالاردان جيٸ «جىلتىڭداسا» ٶزدەرٸن جارىق جۇلدىز سانايتىندار كٶبەيٸپ تۇر. كەيدە ەنشٸلەردٸڭ وسىلاي «اۋرۋعا» شالدىعۋىنا ٶزٸمٸز كٸنەلٸ سەكٸلدٸمٸز. جارقىراتامىز دەپ سارى مىستى التىنعا اينالدىرىپ الامىز دا, ونىڭ التىن ەمەس, مىس ەكەنٸن كٶپكە دەلەلدەي الماي قالاتىنىمىز تاعى بار.
تٶرەعالي دا, ٶزگە ەنشٸلەر دە ٶزدەرٸن ناسيحاتتاۋعا قازاق باسپاسٶزٸ, ونىڭ ٸشٸندە قازاق جۋرناليستەرٸ مٷددەلٸ ەكەنٸن ۇمىتپاسا ەكەن دەيمٸز. ەيتپەسە, ورىس تٸلٸندەگٸ اقپارات كٶزدەرٸ دە, ورىستٸلدٸ باق-تا قازاق ناسيحاتتاۋعا مەجبٷر ەمەس.
جادىرا پەردەبايقىزى
دەرەككٶزٸ: «ايقىن» گازەتٸ
