نۇر-سۇلتاننىڭ تەرگەۋ سوتى دەنساۋلىق ساقتاۋ ەكس-مينيسترى ەلجان ءبىرتانوۆتىڭ ءۇي قاماقتا قالۋ مەرزىمىن ۇزارتۋ تۋرالى ماسەلەنى قاراۋدى جالعاستىرىپ جاتىر. ول بۇگىن سوت وتىرىسىنا قاتىستى. ول ءوزىنىڭ سىبايلاس جەمقورلىق قىلمىستارعا قاتىسى جوق ەكەنىن باسا ايتتى، دەپ حابارلايدى Dalanews.kz. 

كەزدەسۋ ونلاين رەجيمىندە Zoom ارقىلى ءوتتى.

ءبىرتانوۆ ءوز ءسوزىن ءبىر كۇن بۇرىن ءبىرقاتار بۇقارالىق اقپارات قۇرالدارى پروكۋروردىڭ وزىنە ايىپ تاققانى تۋرالى اقپارات تاراتقانىنان باستادى. ەكس-مينيستر بۇل اقپاراتتىڭ جاڭساق ەكەنىن، ويتكەنى وعان ءالى ايىپ تاعىلماعاندىقتان دا تەرگەۋ امالدارى جالعاسىپ، ازىرگە سوت ءۇيقاماق مەرزىمىن ۇزارتۋ ماسەلەسىن قاراستىرىپ جاتقانىن ايتتى.

سودان كەيىن ول تەرگەۋ-جەدەل توبىنىڭ باستىعى ءوزىنىڭ ەسەبىندە كورسەتكەن بۇزۋشىلىقتار تۋرالى اقپاراتتى تەرىسكە شىعارۋعا كوشتى (ءۇي قاماعىنىڭ مەرزىمىن ۇزارتۋ تۋرالى - رەد.).

بۇل اراداعى قۇجاتتا بيۋدجەت قاراجاتىن جىمقىرۋعا قاتىستى ماعان كەلتىرىلگەن كۇدىكتەردىڭ زاڭدىلىعى مەن نەگىزدىلىگىن راستايتىن ەشقانداي فاكت جوق ەكەنىنە باسا نازار اۋدارعىم كەلەدى. سەبەبى ۇرلىق فاكتىسى جوق. تاعى دا جاريا تۇردە بۇل ىستە دە، سول سەكىلدى مەنىڭ قازاقستان رەسپۋبليكاسىنىڭ دەنساۋلىق ساقتاۋ ءمينيسترى بولىپ تۇرعان كەزىمدە دە قانداي دا ءبىر سىبايلاس جەمقورلىق قىلمىسىنا قاتىسىم بولماعانىن قاداپ ايتامىن. مۇندا جازىلعانداردىڭ بارلىعى ويدان قۇراستىرىلعان جانە قيسىنعا مۇلدە ساي كەلمەيتىن تۇجىرىمدارعا تولى، - دەدى بۇرىنعى مينيستر.

ءوز كەزەگىندە ءبىرتانوۆ جۇمىس ىستەيتىنىنىڭ دالەلى رەتىندە دەنساۋلىق ساقتاۋ ءتولقۇجاتىنىڭ سكرينىن ەكراننان كورسەتتى، بۇل Ericsson Nikola Tesla جاساپ شىققان "اقپاراتتىق جۇيەلەردىڭ ءوزارا ارەكەتتەسۋ پلاتفورماسى"، ول جۇمىس ىستەپ تۇر، دەگەنمەن تەرگەۋ ول جۇمىس ىستەمەيدى دەپ مالىمدەيدى (ءبىرتانوۆ، نەگىزىنەن، ءدال وسى فاكت بويىنشا ايىپتالۋدا - رەد.) ...

مەن ەلەكتروندى ءتولقۇجاتتان ءۇزىندى كوشىرمەسىن جۇكتەي الامىن. ءتىپتى، ونى وسى ارادا اشىپ، كورسەتە الامىن، وندا مەنىڭ تىركەلگەن جەرىم بار، سونىمەن قاتار 2020 جىلدىڭ ماۋسىم ايىندا مەن ەكى اۋرۋحانادا COVID-19-عا قارسى اۋرۋحاناعا جاتقانمىن. الدىمەن بىرەۋىندە، سودان كەيىن ەكىنشىسىندە. ياعني ەلەكتروندى دەنساۋلىق ءتولقۇجاتىنىڭ فۋنكسيالارى جۇمىس ىستەپ تۇر. يا، تولىقتىرۋ جاعىنان ءالى دە ماسەلەلەر بار، ءبىراق بۇل پروسەسس ءوز جالعاسىن تابۋدا، ويتكەنى ەمحانالاردىڭ اقپاراتتىق جۇيەلەرى پلاتفورماعا كوبىرەك كەلىپ، قوسىلىپ جاتىر. ءبىراق ءبىز جاڭا عانا ەستىدىك جانە بۇل پروسەسكە تەرگەۋ كەدەرگى بولىپ وتىرعانىن بىلەمىز. وسىلايشا، كەلىسىمشارت زاڭدى تۇردە جاسالدى، بارلىق جۇمىس زاڭدى تۇردە جۇرگىزىلدى، - دەدى ءبىرتانوۆ.

ول پلاتفورمانى پايدالانۋ 2020 جىلدىڭ ماۋسىمىندا ماقۇلداعانىن، ءبىراق تەرگەۋ ونى بىردەن جاۋىپ تاستاعانىن مالىمدەدى. كۇزدىڭ باسىندا دەنساۋلىق ساقتاۋ ءمينيسترى الەكسەي سوي ەل باسشىلىعىنا پلاتفورمانى بۇعاتتان بوساتۋ تۋرالى وتىنىشپەن جۇگىندى، ال پرەزيدەنت تەرگەۋگە پلاتفورمانى بۇعاتتان شىعارۋدى تاپسىردى.

پرەزيدەنتتىڭ تاپسىرماسى ورىندالماي قالدى، پلاتفورما اشىلماعان جانە ول بىرەسە جۇمىس ىستەيدى، بىرەسە جۇمىس ىستەمەي قالادى، - دەدى ەكس-مينيستر.

سونىمەن بىرگە ول بۇل ىسكە ەشقانداي قاتىسى جوق ەكەنىن اتاپ ءوتتى.

بۇل اراداعى باستى سۇراق نازاردان تىس قالىپ جاتىر: "اقشا قايدا؟" دەگەن. وسى جوبادان ەڭ قۇرماعاندا ءبىر تيىن العانىم دالەلدەندى مە؟ جوق، دالەلدەنبەيدى دە، ويتكەنى ونداي بولعان ەمەس. مەن كەز-كەلگەن سىبايلاس جەمقورلىق قۇقىق بۇزۋشىلىقتارعا قاتىسىم جوق ەكەنىمدى تاعى ءبىر مارتە مالىمدەيمىن، - دەدى ءبىرتانوۆ.

ەكس-مينيستر سوتتان ءوز قۇقىعىن قورعاۋدى سۇرادى.

مەن قازاقستاننىڭ تولىققاندى ازاماتىمىن. مينيستر بولىپ تۋا سالعان جوقپىن، وسى ەلدە ءوسىپ، تومەننەن باستاپ جوعارىعا دەيىن ءوستىم، ادال ەڭبەك ەتتىم، سالىق تولەدىم جانە بىردەي قۇقىقتارعا يە بولدىم. سوتتان مەنىڭ قۇقىقتارىمنىڭ ساقتالۋىن سۇرايمىن.

اعاما جانە جىلجىمايتىن مۇلىككە كەلەتىن بولساق. قۇجاتتا مەندە جىلجىمايتىن مۇلىك بار ەكەندىگى ايتىلادى (اۆستريادا - رەد.). مۇمكىن مەن بىردەڭەنى بىلمەيتىن شىعارمىن، ءبىراق سىزدەن وسىنى راستايتىن قۇجاتتاردى سۇراتۋىڭىزدى سۇرايمىن.

ال مەنىڭ جاقىن تۋىستارىمنىڭ تۇرۋعا ىقتيارحاتىن راستايتىن جىلجىمايتىن مۇلىگىم بار ەكەندىگىن راستايتىن قۇجاتتار بولماعان، تابىلماعان جاعدايدا، جوق قۇجاتتاردىڭ بولۋىن راستاعان تەرگەۋشى مەن پروكۋروردىڭ ارەكەتتەرىنە سىزدەن زاڭدى باعا بەرۋىڭىزدى سۇرايمىن، - دەدى ءبىرتانوۆ.

2020 جىلدىڭ 3 قاراشاسىندا قارجى مونيتورينگى كوميتەتى ءبىرتانوۆتىڭ قاماۋعا الىنعاندىعى تۋرالى حابارلادى. ەكس-مينيسترگە بيۋدجەت قاراجاتىن اسا ءىرى كولەمدە ىسىراپ ەتتى دەگەن كۇدىك كەلتىرىلىپ وتىرعانى ايتىلدى. 7 قاراشادا ول ءۇي قاماعىنا الىندى. ەلجان ءبىرتانوۆ دەنساۋلىق ساقتاۋ ءمينيسترى قىزمەتىنەن 2020 جىلى 25 ماۋسىمدا بوساتىلدى. ول پنيەۆمونياسىنىڭ اسقىنۋىنا جانە ەمدەلۋ قاجەتتىلىگىنە بايلانىستى جۇمىستان كەتۋ ءۇشىن ءوتىنىش جازدى.

قارسى تاراپتىڭ ارگۋمەنتى قانداي؟