پرەمەر-مينيستر ولجاس بەكتەنوۆ “كازاحستانسكايا پراۆدا” گازەتٸندە جارييالانعان ماقالاسىندا قاسىم-جومارت توقاەۆتىڭ جەتٸ جىلدىق پرەزيدەنتتٸك كەزەڭٸ قازاقستان ٷشٸن تەرەڭ ٶزگەرٸستەر مەن جٷيەلٸ جاڭعىرۋ دەۋٸرٸنە اينالعانىن مەلٸمدەدٸ, دەپ حابارلايدى Dalanews.kz.
ٷكٸمەت باسشىسىنىڭ ايتۋىنشا, بۇل كەزەڭ پاندەمييا, ەلەمدٸك ەكونوميكانىڭ باياۋلاۋى, ينفلياتسييالىق جەنە لوگيستيكالىق كٷيزەلٸستەر, گەوساياسي تۇراقسىزدىق سەكٸلدٸ كٷردەلٸ سىن-قاتەرلەرمەن تۇسپا-تۇس كەلگەن. سوعان قاراماستان ەلدە تۇراقتىلىق ساقتالىپ, ەكونوميكا سەنٸمدٸ ٶسٸم جولىنا شىققان.
"جاۋاپ رەتٸندە ۇزاق مەرزٸمدٸ تۇراقتىلىققا باعىتتالعان تەرەڭ رەفورمالار جٷرگٸزٸلدٸ. پرەزيدەنت پوپۋليزمگە ۇرىنباي, قىسقا مەرزٸمدٸ نەتيجەگە ەمەس, ەل دامۋىنىڭ بەرٸك ٸرگەتاسىن قالاۋعا باسىمدىق بەرٸپ كەلەدٸ", - دەدٸ ولجاس بەكتەنوۆ.
پرەمەر-مينيستردٸڭ دەرەگٸنشە, 2025 جىلى ەلەمدٸك ەكونوميكانىڭ ٶسٸمٸ 3,3% بولسا, قازاقستاندا جٸٶ 6,5%-عا ارتقان. بۇل جٷرگٸزٸلگەن ساياساتتىڭ نەتيجەسٸن كٶرسەتەدٸ.
سوڭعى جىلدارى ەكونوميكانىڭ قۇرىلىمى دا ايتارلىقتاي ٶزگەرگەن. ەگەر بۇرىن ٶسٸم سىرتقى شيكٸزات كونيۋنكتۋراسىنا تەۋەلدٸ بولسا, قازٸر نەگٸزگٸ سەرپٸن ٸشكٸ سۇرانىس پەن شيكٸزاتتىق ەمەس سەكتورلار ەسەبٸنەن قامتاماسىز ەتٸلٸپ وتىر. نەگٸزگٸ ٷلەستٸ ٶڭدەۋشٸ ٶنەركەسٸپ, قۇرىلىس, ساۋدا, كٶلٸك جەنە قىزمەت كٶرسەتۋ سالالارى بەرۋدە.
جەتٸ جىل ٸشٸندە ەلدٸڭ نومينالدى جٸٶ-سٸ 1,7 ەسەگە ٶسٸپ, 181,7 ملرد دوللاردان 305,9 ملرد دوللارعا جەتتٸ. جان باسىنا شاققانداعى جٸٶ 9,8 مىڭ دوللاردان 15 مىڭ دوللارعا دەيٸن ۇلعايعان.
ٶڭدەۋشٸ ٶنەركەسٸپ كٶلەمٸ 11,5 ترلن تەڭگەدەن 30,63 ترلن تەڭگەگە دەيٸن ٶسٸپ, ونىڭ ەكونوميكاداعى ٷلەسٸ 11,4%-دان 12,7%-عا جەتتٸ. ال ٶندٸرۋشٸ سەكتوردىڭ ٷلەسٸ كەرٸسٸنشە 14,5%-دان 12%-عا دەيٸن تٶمەندەگەن.
بەكتەنوۆ بۇل كٶرسەتكٸشتەردٸڭ ارتىندا ونداعان جاڭا زاۋىت پەن مىڭداعان جۇمىس ورنى تۇرعانىن اتاپ ٶتتٸ. مەسەلەن, قوستاناي وبلىسىندا KIA اۆتوكٶلٸكتەرٸ مەن شويىن قۇيۋ زاۋىتتارى ٸسكە قوسىلعان. قاراعاندى وبلىسىندا تۇرمىستىق تەحنيكا مەن اۆتوموبيل شينالارىن ٶندٸرۋ جولعا قويىلعان. اتىراۋدا پوليپروپيلەن, الماتى وبلىسىندا ۆولفرام كونتسەنتراتى, پاۆلوداردا تەمٸرجول تەحنيكاسىنا ارنالعان كومپونەنتتەر, شىمكەنتتە اليۋمينيي قاپتاما مەن باعالى مەتالداردى ٶڭدەۋ ٶندٸرٸستەرٸ اشىلعان.
قۇرىلىس سالاسى دا تۇراقتى ٶسٸم كٶرسەتٸپ وتىر. تەك 2025 جىلدىڭ ٶزٸندە ەل بويىنشا 20 ملن شارشى مەتردەن استام تۇرعىن ٷي پايدالانۋعا بەرٸلگەن.
حالىقارالىق ۆاليۋتا قورىنىڭ دەرەگٸنە سٷيەنسەك, قازاقستان ەلەمنٸڭ ەڭ ٸرٸ 50 ەكونوميكاسىنىڭ قاتارىنا ەنگەن ەرٸ ورتاشا جىلدىق ٶسٸم قارقىنى بويىنشا كٶشباسشى بەستٸكتٸڭ قاتارىندا. World Competitiveness Ranking رەيتينگٸندە ەل 34-ورىنعا كٶتەرٸلگەن.
پرەمەر-مينيستردٸڭ باعالاۋىنشا, بۇل ٶزگەرٸستەر ەكونوميكانىڭ "بٸر وقيعالى" تەۋەلدٸلٸكتەن ارىلىپ, تەڭگەرٸمدٸ دامۋ مودەلٸنە كٶشكەنٸن كٶرسەتەدٸ.
