قازاقستان پرەزيدەنتٸ قاسىم-جومارت توقاەۆتىڭ اتىنا جاڭا كونستيتۋتسييا جوباسى بويىنشا ٶتكەن رەسپۋبليكالىق رەفەرەندۋمعا بايلانىستى شەت مەملەكەتتەردٸڭ باسشىلارى مەن حالىقارالىق ۇيىم جەتەكشٸلەرٸنەن قۇتتىقتاۋ جەدەلحاتتارى كەلٸپ تٷسۋدە, دەپ حابارلايدى Dala News.
اقوردانىڭ مەلٸمەتٸنشە, رەسەي پرەزيدەنتٸ ۆلاديمير پۋتين قازاقستانداعى كونستيتۋتسييالىق ٶزگەرٸستەر ەكٸ ەل اراسىنداعى وداقتاستىق قاتىناستار مەن جان-جاقتى ستراتەگييالىق سەرٸكتەستٸكتٸ ودان ەرٸ نىعايتا تٷسەتٸنٸن اتاپ ٶتكەن. ونىڭ ايتۋىنشا, جالپىحالىقتىق داۋىس بەرۋ نەتيجەسٸ توقاەۆتىڭ مەملەكەتتٸك ينستيتۋتتاردى كٷشەيتۋ جەنە ەلدٸڭ تۇراقتى ەلەۋمەتتٸك-ەكونوميكالىق دامۋىن قامتاماسىز ەتۋ باعىتىنداعى باستامالارىنا كەڭ قولداۋ بار ەكەنٸن كٶرسەتەدٸ.
ٶزبەكستان پرەزيدەنتٸ شاۆكات ميرزييوەۆ قازاقستانداعى ساياسي جەنە ەلەۋمەتتٸك-ەكونوميكالىق جاڭعىرۋ جاڭا قازاقستاننىڭ تۇراقتى دامۋىنا ىقپال ەتٸپ, حالىقارالىق بەدەلٸن ارتتىراتىنىنا سەنٸم بٸلدٸرگەن. ونىڭ ايتۋىنشا, رەفەرەندۋمعا ازاماتتاردىڭ بەلسەندٸ قاتىسۋى جٷرگٸزٸلٸپ جاتقان رەفورمالاردىڭ حالىق تاراپىنان قولداۋ تاپقانىن ايقىن كٶرسەتەدٸ.
قىرعىزستان پرەزيدەنتٸ سادىر جاپاروۆ توقاەۆتى رەفەرەندۋمنىڭ تابىستى ٶتۋٸمەن قۇتتىقتاپ, بۇل تاريحي قادام قازاقستاننىڭ ودان ەرٸ ٶركەندەۋٸنە جەنە حالىقتىڭ ەل-اۋقاتىن ارتتىرۋعا ىقپال ەتەتٸنٸن اتاپ ٶتكەن. سونىمەن قاتار ول قازاقستاننىڭ حالىقارالىق ارەناداعى بەدەلٸ تۇراقتى تٷردە نىعايىپ كەلە جاتقانىن جەتكٸزگەن.
ەزەربايجان پرەزيدەنتٸ يلحام ەليەۆ جاڭا كونستيتۋتسييانىڭ قابىلدانۋىن قازاقستان تاريحىنداعى جاڭا كەزەڭنٸڭ باستاۋى دەپ باعالاپ, بۇل قۇجات ساياسي جٷيەنٸ جاڭعىرتىپ, ەلدٸڭ قارقىندى دامۋىنا جەنە حالىقارالىق رٶلٸنٸڭ ارتۋىنا ىقپال ەتەتٸنٸن مەلٸمدەگەن.
بەلارۋس پرەزيدەنتٸ الەكساندر لۋكاشەنكو كونستيتۋتسيياداعى قاعيداتتاردىڭ ٸسكە اسۋى قازاقستاننىڭ گٷلدەنۋٸنە نەگٸز بولاتىنىن ايتىپ, رەفەرەندۋم نەتيجەسٸ توقاەۆ جٷرگٸزٸپ وتىرعان جاڭعىرۋ باعىتىنا ازاماتتاردىڭ سەنٸمٸ جوعارى ەكەنٸن دەلەلدەگەنٸن اتاپ ٶتكەن.
سەربييا پرەزيدەنتٸ الەكساندر ۆۋچيچ توقاەۆتىڭ رەفورمالارى مەن باستامالارى ەلدٸڭ دامۋىنا باعىتتالعان ماڭىزدى قادام ەكەنٸن ايتىپ, قازاقستاننىڭ ٶرشٸل ماقساتتارعا ۇمتىلۋىن جوعارى باعالاعان.
ارمەنييا پرەمەر-مينيسترٸ نيكول پاشينيان جالپىحالىقتىق داۋىس بەرۋ نەتيجەسٸ قازاقستاندىقتاردىڭ ەل تەۋەلسٸزدٸگٸن ساقتاۋعا جەنە زاڭ ٷستەمدٸگٸ ورناعان قوعام قۇرۋعا جاۋاپكەرشٸلٸكپەن قارايتىنىن كٶرسەتەتٸنٸن جەتكٸزگەن.
سونىمەن قاتار قازاقستان پرەزيدەنتٸن شانحاي ىنتىماقتاستىق ۇيىمىنىڭ باس حاتشىسى نۇرلان ەرمەكباەۆ, تمد باس حاتشىسى سەرگەي لەبەدەۆ, تٷركٸ مەملەكەتتەرٸ ۇيىمىنىڭ باس حاتشىسى كۋبانىچبەك ٶمٸرەليەۆ, ۇقشۇ باس حاتشىسى تاالاتبەك ماسادىكوۆ, ەكونوميكالىق ىنتىماقتاستىق ۇيىمىنىڭ باس حاتشىسى اساد مادجيد حان, سونداي-اق جوعارى ەۋرازييالىق ەكونوميكالىق كەڭەس تٶراعاسى باقىتجان ساعىنتاەۆ جەنە باسقا دا حالىقارالىق ۇيىم جەتەكشٸلەرٸ قۇتتىقتاعان.
اقوردانىڭ حابارلاۋىنشا, مەملەكەت باسشىسىنىڭ اتىنا قۇتتىقتاۋ جەدەلحاتتارى ەلٸ دە كەلٸپ تٷسٸپ جاتىر.
