تٷركٸستان وبلىسىنا جاڭا ەكٸم تاعايىندالدى, دەپ حابارلايدى Dalanews.kz.
"مەملەكەت باسشىسىنىڭ جارلىعىمەن نۇرالحان ورالبايۇلى كٶشەروۆ تٷركٸستان وبلىسىنىڭ ەكٸمٸ لاۋازىمىنا تاعايىندالدى" دەلٸنگەن اقوردانىڭ حابارلاماسىندا.
نۇرالحان كٶشەروۆ 1984 جىلى دٷنيەگە كەلگەن. 2005 جىلى "ەكونوميست" ماماندىعى بويىنشا م.ەۋەزوۆ اتىنداعى وڭتٷستٸك قازاقستان مەملەكەتتٸك ۋنيۆەرسيتەتٸن بٸتٸرگەن. 2007 جىلى قازاق گۋمانيتارلىق زاڭ ۋنيۆەرسيتەتٸن "زاڭتانۋ باكالاۆرى" ماماندىعى بويىنشا, 2019 جىلى قازاقستان رەسپۋبليكاسى پرەزيدەنتٸنٸڭ جانىنداعى مەملەكەتتٸك باسقارۋ اكادەميياسىنىڭ ماگيستراتۋراسىن بٸتٸرگەن.
ەڭبەك جولىن 2005 جىلى باستاعان. 2008 جىلدان باستاپ 2015 جىلعا دەيٸن مەملەكەتتٸك كٸرٸستەر ورگاندارىندا تٷرلٸ لاۋازىمداردا جۇمىس ٸستەدٸ. 2015-2018 جىلدارى شىمكەنت قالاسى ەكٸمٸنٸڭ ورىنباسارى بولدى.
2018 جىلدان 2021 جىلدىڭ 29 قىركٷيەگٸنە دەيٸن شىمكەنت قالاسى بويىنشا مەملەكەتتٸك كٸرٸستەر دەپارتامەنتٸنٸڭ باسشىسى بولىپ جۇمىس ٸستەدٸ.
