مەملەكەت باسشىسى اقش پرەزيدەنتٸنٸڭ وڭتٷستٸك جەنە ورتالىق ازييا بويىنشا ارنايى ٶكٸلٸ سەردجيو گوردى قابىلدادى, دەپ حابارلايدى dalanews.kz.
پرەزيدەنت قاسىم-جومارت توقاەۆ قازاق-امەريكا ىنتىماقتاستىعىنىڭ جوعارى دەڭگەيٸن اتاپ ٶتٸپ, امەريكا قۇراما شتاتتارىمەن كەڭەيتٸلگەن ستراتەگييالىق سەرٸكتەستٸكتٸ ودان ەرٸ نىعايتۋعا بەيٸل ەكەنٸن راستادى.
"بٸز ٶزەكتٸ مەسەلەلەردٸ كەڭٸنەن تالقىلاۋعا مٷمكٸندٸك تۋعانىن وڭ باعالايمىز. ەسٸرەسە, اسا ماڭىزدى مينەرالدار بويىنشا C5+1 ديالوگىنا قاتىسۋىڭىزدى قۇپتايمىز. بۇل قۇراما شتاتتاردىڭ قازاقستانمەن جەنە بٷكٸل ورتالىق ازييامەن ىنتىماقتاستىققا ستراتەگييالىق تۇرعىدان مەن بەرەتٸنٸن كٶرسەتەدٸ. سونداي-اق سٸزدٸڭ ەكٸجاقتى بايلانىستاردى دامىتۋعا قوسقان ٷلەسٸڭٸزدٸ اتاپ ٶتكٸم كەلەدٸ. قازاقستان امەريكا قۇراما شتاتتارىمەن كەڭەيتٸلگەن ستراتەگييالىق سەرٸكتەستٸكتٸ ودان ەرٸ ارتتىرۋعا مٷددەلٸ. ورايلى سەتتٸ پايدالانا وتىرىپ, سٸز ارقىلى اقش پرەزيدەنتٸ دونالد ترامپقا ىستىق ىقىلاسىم مەن ٸزگٸ تٸلەگٸمدٸ جولدايمىن. جىل سوڭىنا قاراي بٸز كەزدەسەمٸز دەپ ويلايمىن. سونىمەن بٸرگە ماياميدە ٶتەتٸن G20 سامميتٸنە قاتىسۋعا شاقىرعانى ٷشٸن ريزاشىلىعىمدى بٸلدٸرەمٸن", – دەدٸ مەملەكەت باسشىسى.
سەردجيو گور قاسىم-جومارت توقاەۆقا كەزدەسۋ ٷشٸن العىس ايتىپ, پرەزيدەنت دونالد ترامپتىڭ سەلەمٸن جەتكٸزدٸ.
"سٸزدٸڭ اق ٷيدە دوسىڭىز بار دەپ سەنٸممەن ايتا الامىن. پرەزيدەنت ترامپ قىزمەتٸڭٸزدٸ ايرىقشا باعالايدى. بٸز ەلدەرٸمٸزدٸڭ مٷددەسٸ ٷشٸن ٶزارا تيٸمدٸ شەشٸمدەر ٸزدەۋگە ۇمتىلامىز. مۇنى اقش پەن ايماق ەلدەرٸ اراسىنداعى قارىم-قاتىناستىڭ قارقىنى دەلەلدەيدٸ. كەيٸنگٸ جىلدىڭ ٶزٸندە 20 ميلليارد دوللاردان اسا سوماعا كەلٸسٸم جاسالدى. بۇل ەلٸ باستاۋى عانا ەكەنٸنە سەنٸمدٸمٸن. سٸزدٸڭ جىل سوڭىندا ٶتەتٸن G20 سامميتٸنە قاتىساتىنىڭىزعا ٶتە قۋانىشتىمىز", – دەدٸ ارنايى ٶكٸل.
قاسىم-جومارت توقاەۆ پەن سەردجيو گور بٸرلەسكەن ساۋدا-ەكونوميكالىق جەنە ينۆەستيتسييالىق جوبالاردى جٷزەگە اسىرۋ, سونداي-اق اسا ماڭىزدى مينەرالدار, كٶلٸك-لوگيستيكا, تسيفرلاندىرۋ مەن باسقا دا باسىم سالالارداعى ىقپالداستىق پەرسپەكتيۆاسىن تالقىلادى. قازاقستان تەڭ قۇرىلتايشىلارىنىڭ بٸرٸ بولعان بەيبٸتشٸلٸك كەڭەسٸنٸڭ قىزمەتٸنە ەرەكشە نازار اۋدارىلدى.
مەملەكەت باسشىسىنىڭ مەلٸمدەۋٸنشە, ەلٸمٸز حالىقارالىق تۇراقتىلىق پەن گۋمانيتارلىق باستامالاردى ٸلگەرٸلەتۋ ٸسٸنە ٷلەس قوسۋعا دايىن. سونداي-اق ٶڭٸرلٸك جەنە جاھاندىق كٷن تەرتٸبٸندەگٸ ٶزەكتٸ مەسەلەلەر جٶنٸندە پٸكٸر الماسۋ ٶتتٸ.
كەزدەسۋ سوڭىندا پرەزيدەنت پەن ارنايى ٶكٸل سان قىرلى قازاق-امەريكا ىنتىماقتاستىعىن تەرەڭدەتۋگە ٶزارا مٷددەلٸ ەكەنٸن قۋاتتادى.
