ۆەدومستۆو اقپاراتىنا سايكەس، "Pfizer" كومپانياسى ازىرلەگەن ۆاكسينانىڭ العاشقى قوسىنى ەلىمىزگە بيىلعى جىلدىڭ ءتورتىنشى توقسانىندا جەتكىزىلۋى ءتيىس.
"2021 جىلدىڭ ناۋرىزىنان باستاپ "Pfizer" كومپانياسىنىڭ وكىلدەرىمەن سovid-19 كوروناۆيرۋستىق ينفەكسياسىنا قارسى ۆاكسينانى جەتكىزۋ مۇمكىندىگى تۋرالى كەلىسسوزدەر راسىمدەرى باستالدى.
مينيسترلىك پەن "Pfizer" كومپانياسىنىڭ اراسىنداعى ءوزارا ءىس - قيمىل شەڭبەرىندە قۇپيالىلىق تۋرالى كەلىسىمگە قول قويىلدى"، - دەپ اتاپ ءوتتى ۆەدومستۆودا.
مينيسترلىك مامىلەنىڭ نەگىزگى شارتتارى تۋرالى كەلىسىمدەردىڭ تالاپتارىن وڭتايلاندىرۋ بويىنشا "Pfizer" كومپانياسىمەن تۇراقتى نەگىزدە كەلىسسوزدەر جۇرگىزۋدە، ونىڭ ىشىندە قازاقستان ۇكىمەتىنىڭ دەڭگەيىندە كەڭەس وتكىزىلگەن.
سونىمەن قاتار، "Pfizer" كومپانياسى ۆاكسينانى جەتكىزۋ تۋرالى كەلىسىم جاساۋ ءۇشىن قازاقستان رەسپۋبليكاسى پرەزيدەنتىنىڭ جارلىعىن قابىلداۋ قاجەتتىگى تۋرالى ەسكەرتتى.
ايتا كەتەلىك، پرەزيدەنت توقايەۆ ۇكىمەتتىڭ كەڭەيتىلگەن وتىرىسىندا "Pfizer" ۆاكسيناسىن قازاقستاندىقتارعا قولجەتىمدى ەتۋ كەرەكتىگى تۋرالى تاپسىرما بەرگەن.
“انىقتاما رەتىندە مىنانى ايتا الامىن. كەلىسىم بويىنشا قازاقستانعا بيىل مامىر ايىندا Pfizerء-دىڭ 2 ملن دوزاسى جەتۋى كەرەك بولعان. ۇكىمەت پرەپاراتتى جەتكىزۋدىڭ ءۇزىلۋىن Pfizer كومپانياسىنىڭ شارتتارىمەن بايلانىستىرىپ وتىر. ءبىراق بۇل شارتتار ۆاكسينا ساتىپ الاتىن بۇكىل ەلدەر ءۇشىن ستاندارتتى بولىپ ەسەپتەلەدى”، – دەگەن قاسىم-جومارت توقايەۆ بۇل ءىس اياعىنا دەيىن جەتۋ ءۇشىن ارنايى جارلىققا قول قويۋعا دايىن ەكەنىن مالىمدەگەن.
“جۋىقتا بۇكىل ارەكەتتەر الگوريتمى كورسەتىلگەن تاعى ءبىر جاڭا ۇسىنىس كەلىپ ءتۇستى. مەملەكەت باسشىسى، پرەزيدەنت ءتيىستى جارلىققا قول قويۋى كەرەك دەپ وتىر. قاجەت بولسا، مەن سولاي ىستەۋگە دايىنمىن.
ۇكىمەت پەن پرەزيدەنت اكىمشىلىگىنە قالىپتاسقان جاعدايدى انىقتاپ، اتالمىش قاجەتتى پرەپاراتتىڭ جەتكىزىلۋىن كەشىكتىرگەن لاۋازىمدى تۇلعالارعا قاتىستى شارا قولدانۋدى تاپسىرامىن.
ءبىز ازاماتتارعا قاتىستى ۇسىنىستارىمىزدى ءارتاراپتاندىرۋىمىز كەرەك. بالكىم كەيبىر ازاماتتار ءدال وسى ۆاكسينانى قابىلداعىسى كەلەتىن شىعار. سوندىقتان مۇنداي ازاماتتارعا مۇمكىندىك بەرىڭىزدەر. پروبلەمانى قىسقا مەرزىمدە شەشىپ، Pfizer ۆاكسيناسىن قازاقستاندىقتارعا قولجەتىمدى ەتۋ كەرەك”، – دەگەن ەدى مەملەكەت باسشىسى.
