Vedomstvo aqparatyna sáikes, "Pfizer" kompaniiasy ázirlegen vaktsinanyń alǵashqy qosyny elimizge biylǵy jyldyń tórtinshi toqsanynda jetkizilýi tiis.
"2021 jyldyń naýryzynan bastap "Pfizer" kompaniiasynyń ókilderimen Sovid-19 koronavirýstyq infektsiiasyna qarsy vaktsinany jetkizý múmkindigi týraly kelissózder rásimderi bastaldy.
Ministrlik pen "Pfizer" kompaniiasynyń arasyndaǵy ózara is - qimyl sheńberinde qupiialylyq týraly kelisimge qol qoiyldy", - dep atap ótti vedomstvoda.
Ministrlik mámileniń negizgi sharttary týraly kelisimderdiń talaptaryn ońtailandyrý boiynsha "Pfizer" kompaniiasymen turaqty negizde kelissózder júrgizýde, onyń ishinde Qazaqstan Úkimetiniń deńgeiinde keńes ótkizilgen.
Sonymen qatar, "Pfizer" kompaniiasy vaktsinany jetkizý týraly kelisim jasaý úshin Qazaqstan Respýblikasy Prezidentiniń Jarlyǵyn qabyldaý qajettigi týraly eskertti.
Aita ketelik, prezident Toqaev Úkimettiń keńeitilgen otyrysynda "Pfizer" vaktsinasyn qazaqstandyqtarǵa qoljetimdi etý kerektigi týraly tapsyrma bergen.
“Anyqtama retinde mynany aita alamyn. Kelisim boiynsha Qazaqstanǵa biyl mamyr aiynda Pfizer-diń 2 mln dozasy jetýi kerek bolǵan. Úkimet preparatty jetkizýdiń úzilýin Pfizer kompaniiasynyń sharttarymen bailanystyryp otyr. Biraq bul sharttar vaktsina satyp alatyn búkil elder úshin standartty bolyp esepteledi”, – degen Qasym-Jomart Toqaev bul is aiaǵyna deiin jetý úshin arnaiy Jarlyqqa qol qoiýǵa daiyn ekenin málimdegen.
“Jýyqta búkil áreketter algoritmi kórsetilgen taǵy bir jańa usynys kelip tústi. Memleket basshysy, prezident tiisti jarlyqqa qol qoiýy kerek dep otyr. Qajet bolsa, men solai isteýge daiynmyn.
Úkimet pen Prezident ákimshiligine qalyptasqan jaǵdaidy anyqtap, atalmysh qajetti preparattyń jetkizilýin keshiktirgen laýazymdy tulǵalarǵa qatysty shara qoldanýdy tapsyramyn.
Biz azamattarǵa qatysty usynystarymyzdy ártaraptandyrýymyz kerek. Bálkim keibir azamattar dál osy vaktsinany qabyldaǵysy keletin shyǵar. Sondyqtan mundai azamattarǵa múmkindik berińizder. Problemany qysqa merzimde sheship, Pfizer vaktsinasyn qazaqstandyqtarǵa qoljetimdi etý kerek”, – degen edi Memleket basshysy.
