قاسىم-جومارت توقاەۆ مۇحتار شاحانوۆتىڭ قايتىس بولۋىنا بايلانىستى كٶڭٸل ايتتى, دەپ حابارلايدى Dalanews.kz.
مەملەكەت باسشىسى ۇلت پەرزەنتٸ, اسا كٶرنەكتٸ اقىن, بەلگٸلٸ قوعام قايراتكەرٸ, حالىق جازۋشىسى, قازاقستاننىڭ ەڭبەك ەرٸ مۇحتار شاحانوۆتىڭ وتباسى مەن جاقىن تۋىستارىنا كٶڭٸل ايتۋ جەدەلحاتىن جولدادى.
"مۇحتار شاحانوۆ بار عيبراتتى عۇمىرىن قاستەرلٸ سٶز ٶنەرٸنە ارناپ, قازاق پوەزيياسىن جاڭا بەلەسكە كٶتەرگەن, تٶل ەدەبيەتٸمٸز بەن مەدەنيەتٸمٸزدٸڭ كٶكجيەگٸن كەڭەيتۋگە ەلەۋلٸ ٷلەس قوسقان قوعامىمىزدىڭ تۇعىرلى تۇلعاسى ەدٸ. ەرقاشان تٸل جاناشىرى رەتٸندە يگٸلٸكتٸ ٸستەردٸڭ باستاۋىندا بولدى. شىعارمالارى كٶپتەگەن شەت تٸلدەرٸنە تەرجٸمالاندى, جالىندى جىرلارىن قالىڭ وقىرمان سٷيٸپ وقىدى. ٶنەگەلٸ ٶمٸر سٷرٸپ, سوڭىنا مول ەدەبي مۇرا قالدىرعان مۇحتار شاحانوۆتىڭ جارقىن بەينەسٸ حالقىمىزدىڭ جادىندا مەڭگٸ ساقتالادى", – دەلٸنگەن جەدەلحاتتا.
ايتا كەتەيٸك, 20 سەۋٸرگە قاراعان تٷنٸ قازاقستاننىڭ حالىق جازۋشىسى مۇحتار شاحانوۆ 84 جاسىنا قاراعان شاعىندا ٶمٸردەن ٶتتٸ.
