Qasym-Jomart Toqaev Muhtar Shahanovtyń qaitys bolýyna bailanysty kóńil aitty, dep habarlaidy Dalanews.kz.
Memleket basshysy ult perzenti, asa kórnekti aqyn, belgili qoǵam qairatkeri, Halyq jazýshysy, Qazaqstannyń Eńbek Eri Muhtar Shahanovtyń otbasy men jaqyn týystaryna kóńil aitý jedelhatyn joldady.
"Muhtar Shahanov bar ǵibratty ǵumyryn qasterli sóz ónerine arnap, qazaq poeziiasyn jańa beleske kótergen, tól ádebietimiz ben mádenietimizdiń kókjiegin keńeitýge eleýli úles qosqan qoǵamymyzdyń tuǵyrly tulǵasy edi. Árqashan til janashyry retinde igilikti isterdiń bastaýynda boldy. Shyǵarmalary kóptegen shet tilderine tárjimalandy, jalyndy jyrlaryn qalyń oqyrman súiip oqydy. Ónegeli ómir súrip, sońyna mol ádebi mura qaldyrǵan Muhtar Shahanovtyń jarqyn beinesi halqymyzdyń jadynda máńgi saqtalady", – delingen jedelhatta.
Aita keteiik, 20 sáýirge qaraǵan túni Qazaqstannyń Halyq jazýshysy Muhtar Shahanov 84 jasyna qaraǵan shaǵynda ómirden ótti.
