پرەزيدەنت قارجىلىق مونيتورينگ اگەنتتٸگٸنٸڭ تٶراعاسى جانات ەليمانوۆتى قابىلدادى, – دەپ حابارلايدى Dalanews.kz.
قاسىم-جومارت توقاەۆقا اگەنتتٸك قىزمەتٸنٸڭ نەگٸزگٸ قورىتىندىلارى تۋرالى ەسەپ بەرٸلٸپ, الداعى كەزەڭگە ارنالعان مٸندەتتەرٸ تانىستىرىلدى.
مەملەكەت باسشىسىنا 300 قىلمىستىق ٸستٸ تەرگەپ-تەكسەرۋ اياقتالعانى جٶنٸندە باياندالدى.
"زارداپ شەككەن ازاماتتارعا 20 ميلليارد تەڭگەگە جۋىق ٶتەماقى قايتارىلدى. قارجى پيراميدالارىن ۇيىمداستىرۋشىلاردىڭ 2,2 ميلليارد تەڭگە بولاتىن كريپتوۆاليۋتا تٷرٸندەگٸ قىلمىستىق تابىستارى بۇعاتتالدى. ۇيىمداسقان 6 قىلمىستىق توپ جويىلعان. ولاردىڭ بٸرٸ - ترانسۇلتتىق توپ. ٸرٸ ينفراقۇرىلىمدىق جوبالاردى ٸسكە اسىرۋدا 23 ميلليارد تەڭگە كٶلەمٸندەگٸ بيۋدجەت قارجىسى ماقساتسىز جۇمسالۋىنا جول بەرٸلمەدٸ", - دەدٸ قما ٶكٸلٸ.
پرەزيدەنتكە اعاش پەن تەمٸردٸڭ زاڭسىز ەكسپورتتارىنىڭ جولى كەسٸلگەنٸ باياندالدى. سونداي-اق, جانار-جاعارمايدى زاڭسىز تاسىمالداۋدىڭ ٸرٸ سحەماسى جويىلعانى جايىندا ايتىلدى. بۇل ٸشكٸ نارىقتاعى جاعدايدى تۇراقتاندىرۋعا مٷمكٸندٸك بەردٸ.
جانات ەليمانوۆ ازاماتتاردى قارجى الاياقتارىنان قورعاۋ, قارىز جٷكتەمەسٸن ازايتۋ بويىنشا قابىلدانىپ جاتقان شارالار تۋرالى مەلٸمدەدٸ.
"زاڭسىز جۇمىس ٸستەگەن شاعىن قارجى ۇيىمدارىنىڭ جەلٸسٸ انىقتالدى. ولاردان 327 مىڭ ازامات زارداپ شەككەن. كەلتٸرٸلگەن زالال مٶلشەرٸ 30 ميلليارد تەڭگە بولادى. 24 قارجى پيراميداسى جويىلدى. الدىن الۋ ماقساتىندا الاياقتىق سحەمالاردى تاراتقان 5,6 مىڭ سايت بۇعاتتالىپ, 22 مىڭنان اسا مٷشەسٸ بار 30 توپتىق چات پەن اككاۋنت جابىلدى", - دەدٸ جانات ەليمانوۆ.
قاسىم-جومارت توقاەۆقا جاستاردى قىلمىستىق سحەمالارعا تارتۋدىڭ الدىن الۋ ٷشٸن جٷرگٸزٸلٸپ جاتقان پروفيلاكتيكالىق شارالار جٶنٸندە اقپارات بەرٸلدٸ. 2,8 مىڭ وقۋ ورنىنداعى 567 مىڭ وقۋشىعا قارجىلىق قاۋٸپسٸزدٸك بويىنشا ساباقتار ٶتكٸزٸلگەن. مۇنداي جۇمىستار 100 جوعارى وقۋ ورنىندا جٷرگٸزٸلٸپ, 100 مىڭنان اسا ستۋدەنتتٸ قامتىعان.
بۇدان بٶلەك جانات ەليمانوۆ پارلامەنت مەجٸلٸسٸنٸڭ قاراۋىنا كٸرٸستەردٸ جىلىستاتۋعا قارسى كٷرەس مەسەلەلەرٸ بويىنشا زاڭنامالىق تٷزەتۋلەر ەنگٸزٸلگەنٸن حابارلادى. ولار قابىلدانسا, قازاقستان FATF ستاندارتتارىنا تەحنيكالىق تۇرعىدان تولىق ساي كەلەدٸ.
مەملەكەت باسشىسى ەكونوميكالىق قۇقىقبۇزۋشىلىقتىڭ الدىن الۋدى, كٶلەڭكەلٸ اينالىمنىڭ ٷلەسٸن ازايتۋدى, زاڭسىز يەلەنگەن اكتيۆتەردٸ جىلىستاتۋعا قارسى كٷرەستٸ جالعاستىرۋدى, سونداي-اق, حالىقتىڭ قارجىلىق ساۋاتىن ارتتىرۋدى تاپسىردى.
