پرەزيدەنت قاسىم-جومارت توقاەۆ رەسەي فەدەراتسيياسى ٷكٸمەتٸنٸڭ تٶراعاسى ميحايل ميشۋستينمەن كەزدەستٸ. مەملەكەت باسشىسى «اقوردا» رەزيدەنتسيياسىندا ەۋرازييالىق ٷكٸمەتارالىق كەڭەسكە جەنە Digital Almaty 2025 تسيفرلىق فورۋمىنا قاتىسۋ ٷشٸن قازاقستانعا كەلگەن رەسەيدٸڭ پرەمەر-مينيسترٸ ميحايل ميشۋستينمەن كەزدەسۋ ٶتكٸزدٸ, دەپ حابارلايدى Dalanews.kz.
كەزدەسۋدە ەكٸ ەلدٸڭ ستراتەگييالىق سەرٸكتەستٸگٸن دامىتۋ پەرسپەكتيۆاسى تالقىلانىپ, ساۋدا-ەكونوميكالىق, ينۆەستيتسييالىق ىنتىماقتاستىقتى, سونىڭ ٸشٸندە ەۋرازييالىق ەكونوميكالىق وداق اياسىنداعى قارىم-قاتىناستى جانداندىرۋعا باسا نازار اۋدارىلدى.
قاسىم-جومارت توقاەۆ ەكٸ ەل اراسىنداعى دوستىق پەن تاتۋ كٶرشٸلٸكتٸ نىعايتۋعا ميحايل ميشۋستيننٸڭ قوسقان ٷلەسٸن جوعارى باعالادى. سونىمەن قاتار رەسەي فەدەراتسيياسىنىڭ پرەزيدەنتٸ ۆلاديمير پۋتيننٸڭ بىلتىر 27 قاراشادا استاناعا جاساعان مەملەكەتتٸك ساپارى كەزٸندە قول جەتكٸزٸلگەن ۋاعدالاستىقتاردى جٷزەگە اسىرۋدىڭ ٶزەكتٸ ەكەنٸن اتاپ ٶتتٸ.
ەلدەرٸمٸزدٸڭ اراسىنداعى بايلانىس بەكي تٷستٸ. بۇل مەملەكەتارالىق ىنتىماقتاستىقتىڭ بارلىق سالاسىن قامتيدى. سٸزدٸڭ استاناعا جاساعان ساپارىڭىزدى جوعارى دەڭگەيدە قول جەتكٸزٸلگەن ۋاعدالاستىقتاردى ٸسكە اسىرۋدىڭ ماڭىزدى كەزەڭٸ رەتٸندە قاراستىرامىز. ۆلاديمير پۋتيننٸڭ قازاقستانعا جاساعان ساپارى بارىسىندا ۋفادا ٶڭٸرارالىق فورۋم تابىستى ٶتتٸ. بيىل بٸز كەزەكتٸ فورۋمدى قازاقستان اۋماعىندا, ياعني ورال قالاسىندا ۇيىمداستىرۋدى جوسپارلاپ وتىرمىز. ىنتىماقتاستىقتىڭ وسى فورماتى نەتيجەلٸ بولادى دەپ ويلايمىن, – دەدٸ پرەزيدەنت.
ميحايل ميشۋستين مەملەكەتتەر باسشىلارى العا قويعان مٸندەتتەردٸ ناقتى ٸسكە اسىرۋعا دايىن ەكەنٸن مەلٸمدەدٸ.
ورايلى سەتتٸ پايدالانا وتىرىپ, رەسەي پرەزيدەنتٸ ۆلاديمير پۋتيننٸڭ ىستىق ىقىلاسىن جەتكٸزگٸم كەلەدٸ. ۆلاديمير ۆلاديميروۆيچ بىلتىر قاراشا ايىندا قازاقستانعا تاريحي مەملەكەتتٸك ساپار جاسادى دەۋگە بولادى. قاسىم-جومارت كەمەلۇلى, سٸز دە جەلتوقسان ايىندا رەسەيدٸڭ سانكت-پەتەربۋرگ قالاسىنا كەلدٸڭٸز. بٸز ٷشٸن ٶڭٸرارالىق فورۋمنىڭ بەرەرٸ مول. رەسەيدٸڭ ايماقتارى قازاقستاننىڭ كٶپتەگەن وبلىسىمەن تٸكەلەي بايلانىس ورناتقان. ٶزٸڭٸز اتاپ ٶتكەندەي, بۇل فورماتتىڭ ماڭىزى زور, ونىڭ تيٸمدٸلٸگٸن ارتتىرۋعا بارىنشا قولداۋ كٶرسەتەمٸز. قازاقستان – رەسەي فەدەراتسيياسىنىڭ كٶرشٸسٸ ەرٸ وداقتاسى. بٸزدٸڭ قارىم-قاتىناسىمىز دوستىق پەن ٶزارا قۇرمەتكە نەگٸزدەلگەن, – دەدٸ رەسەي ٷكٸمەتٸنٸڭ تٶراعاسى.
ميحايل ميشۋستين قاسىم-جومارت توقاەۆقا ەكٸ ەلدٸڭ ٷكٸمەتتٸك دەلەگاتسييالارى اراسىندا جٷرگٸزٸلگەن كەلٸسسٶزدەردٸڭ نەتيجەسٸ تۋرالى اقپارات بەرٸپ, كٷن تەرتٸبٸنٸڭ بارلىق سپەكترٸ بويىنشا قول جەتكٸزٸلگەن ۋاعدالاستىقتاردىڭ ٶزارا تيٸمدٸ ىقپالداستىقتى ودان ەرٸ نىعايتۋعا قىزمەت ەتەتٸنٸنە توقتالدى.
كەزدەسۋدە ەنەرگەتيكا, ٶنەركەسٸپ, كٶلٸك ينفراقۇرىلىمى, اۋىل شارۋاشىلىعى جەنە باسقا دا سالالارداعى بٸرلەسكەن جوبالاردى جٷزەگە اسىرۋعا باسا نازار اۋدارىلدى. سونىمەن قاتار عىلىمي-تەحنيكالىق جەنە مەدەني-گۋمانيتارلىق ىنتىماقتاستىقتىڭ ٶزەكتٸ مەسەلەلەرٸ تالقىلاندى.
مەملەكەت باسشىسى رەسەي پرەزيدەنتٸنٸڭ مەسكەۋدەگٸ جەڭٸستٸڭ 80 جىلدىعىنا ارنالعان مەرەكەلٸك ٸس-شاراعا شاقىرۋىن قابىل العانىن ايتتى.
