كەزدەسۋدە مەملەكەتتەر باسشىلارى قازاقستان-رەسەي ستراتەگيالىق ارىپتەستىگىنىڭ وزەكتى ماسەلەلەرىن جان-جاقتى تالقىلادى. ساۋدا-ەكونوميكالىق جانە ينۆەستيسيالىق ىنتىماقتاستىقتى نىعايتۋعا ەرەكشە نازار اۋدارىلدى. اتاپ ايتقاندا، ونەركاسىپ، ەنەرگەتيكا، مۇناي-حيميا جانە باسقا دا سالالاردا بىرلەسكەن جوبالاردى جۇزەگە اسىرۋ ماسەلەلەرى قاراستىرىلدى.
سونىمەن قاتار پرەزيدەنتتەر حالىقارالىق جانە وڭىرلىك كۇن تارتىبىندەگى وزەكتى ماسەلەلەر، سونداي-اق كوپجاقتى قۇرىلىمدار اياسىنداعى ءوزارا ىس-ارەكەتتەر تۋرالى پىكىر الماستى.
قاسىم-جومارت توقايەۆ ەكىجاقتى قارىم-قاتىناستاردىڭ قارقىندى دامىپ كەلە جاتقانىن اتاپ ءوتتى.
– شىن مانىندە، قازاقستان مەن رەسەي اراسىندا ستراتەگيالىق سەرىكتەستىك نەگىزىندەگى قارىم-قاتىناس ورناعان. بيىل ءبىز ديپلوماتيالىق قارىم-قاتىناس ورناتۋدىڭ وتە ماڭىزدى داتاسىن اتاپ ءوتىپ جاتىرمىز. وسىدان 30 جىل بۇرىن دوستىق، ىنتىماقتاستىق جانە ءوزارا كومەك تۋرالى شارتقا قول قويىلدى. 2013 جىلى وسى شارت ەلدەرىمىز اراسىنداعى وداقتاستىق قاتىناستار تۋرالى ءسىز قول قويعان جاڭا قۇجاتپەن تولىقتىرىلدى. سوندىقتان قالىپتاسقان نەگىز وتە جاقسى، – دەدى، – قازاقستان پرەزيدەنتى.
قاسىم-جومارت توقايەۆ ساۋدا-ەكونوميكالىق ىنتىماقتاستىق تابىستى دامىپ كەلە جاتقانىنا توقتالىپ، ونەركاسىپ كووپەراسياسى ءبىزدىڭ كوڭىلىمىزدەن شىعاتىنداي ەلەۋلى ناتيجەلەرگە جەتكەنىن اتاپ ءوتتى. مەملەكەت باسشىسىنىڭ ايتۋىنشا، ساۋدا ديناميكاسى دۇرىس جاعىنان دامىپ جاتىر. بىلتىر ساۋدا كولەمى 24،5 ميلليارد دوللاردى قۇرادى. پرەزيدەنت بۇل كورسەتكىشپەن رەسەي ءبىزدىڭ تاۋار اينالىمىمىزدا ءبىرىنشى ورىندا تۇرعانىن ايتتى.
قاسىم-جومارت توقايەۆ بۇۇ جانە باسقا دا حالىقارالىق ينستيتۋتتار ارقىلى بەلسەندى ىنتىماقتاسىپ كەلە جاتقانىمىزعا توقتالدى.
– بيىل قازاقستان تمد-عا ءتوراعالىق ەتەدى. قازان ايىندا تمد ءسامميتى وتەدى. وعان ءوزىڭىز قاتىسادى دەگەن سەنىمدەمىز. ونىڭ ۇستىنە رەسەي تاۋەلسىز مەملەكەتتەر دوستاستىعىندا ماڭىزدى ءرول اتقارادى. بۇل – شىنىمەن دە حالىقارالىق فورماتتاعى ىنتىماقتاستىقتىڭ باسىم باعىتى، – دەدى پرەزيدەنت.
مەملەكەت باسشىسى قازىرگى گەوساياسي جاعدايداعى ەكىجاقتى ىنتىماقتاستىقتى ودان ءارى نىعايتۋ ماسەلەلەرىنە نازار اۋداردى.
– گەوساياسي جاعدايدىڭ ەرەكشەلىگى ۇكىمەتتەرىمىزگە قوسىمشا نۇسقاۋلار بەرۋ ءۇشىن كەلىسىپ الۋ قاجەت ەكەنىن كورسەتىپ وتىر. ولار بىر-بىرىمەن تابىستى قىزمەت ەتىپ كەلەدى. دەگەنمەن ءومىردىڭ ءوزى جاڭا مىندەتتەر قويادى جانە ولار شەشۋدى قاجەت ەتەدى. جالپى، ءبىزدىڭ ىنتىماقتاستىعىمىزدىڭ دامىپ كەلە جاتقانىنا قاناعاتتانۋعا تولىق نەگىز بار.
مەن بۇل تۇرعىدا سىزبەن كەلىسەمىن. ءبىزدى ورتاق شەكارا بىرىكتىرەدى. ول – الەمدەگى ەڭ ۇزىن، قۇرلىقتاعى تولىعىمەن دەليميتاسيالانعان شەكارا.
ءبىزدىڭ ىنتىماقتاستىعىمىزدىڭ بولاشاعىنا قاتىستى پەسسيميستىك بولجامدار جاساۋعا، ارينە، نەگىز جوق! مەن قازاقستان رەسپۋبليكاسىنىڭ پرەزيدەنتى رەتىندە بارلىق سالالارداعى ەكىجاقتى ىنتىماقتاستىعىمىزعا قوسىمشا سەرپىن بەرۋگە نيەتتىمىن، – دەدى قاسىم-جومارت توقايەۆ.
https://www.youtube.com/watch؟v=m97DdbIfctM
ءوز كەزەگىندە ۆلاديمير پۋتين قاسىم-جومارت توقايەۆقا شاقىرۋىن قابىل الىپ، سوچيگە كەلگەنىنە العىسىن ءبىلدىردى.
– شاقىرۋىمدى قابىل العانىڭىزعا راحمەت. ءبىز ەكەۋىمىز ۇنەمى كەزدەسىپ تۇرامىز. جاقىندا عانا جۇزدەسكەن ەدىك، ءبىراق ءبىز سوچيدە كەزدەسۋگە كەلىستىك. الدىمىزدا وتە اۋقىمدى جۇمىس بار. ال بيىلعى جىل ەرەكشە. ءبىز قازان ايىندا ديپلوماتيالىق قارىم-قاتىناستىڭ 30 جىلدىعىن اتاپ وتەمىز. وسى داتاعا وراي ءتۇرلى ءىس-شارالار جوسپارلانىپ وتىر.
ءبىزدىڭ مينيسترلىكتەر مەن ۆەدومستۆولار بەلسەندى جۇمىس ىستەپ جاتىر. ۇكىمەتارالىق كوميسسيا قارقىندى جۇمىس ىستەپ كەلەدى.
سىرتقى ىستەر، قورعانىس مينيسترلىكتەرى بىرلەسىپ ءتۇرلى ءىس-شارالاردى، سونىڭ ىشىندە ۇقشۇ اياسىنداعى بىرلەسكەن وقۋ-جاتتىعۋلاردى جانە تاعى باسقالارىن دايىنداپ جاتىر. تاۋار اينالىمى ءوسىپ كەلەدى. بىلتىر 34،4 پايىزعا وسسە، بيىل بەس ايدا 9 پايىزعا دەرلىك، 8،8 پايىزعا ءوستى. ينۆەستيسيالار ەكى جاقتان دا ارتىپ كەلەدى. مەنىڭشە، رەسەي ينۆەستيسياسى 18 ميلليارد دوللارعا جەتتى، ال قازاقستاننىڭ رەسەيگە ينۆەستيسيا ءتورت جارىم ميلليارد شاماسىندا. قازاقستاننىڭ ساۋدا-ەكونوميكالىق سەرىكتەستەرى اراسىندا رەسەي ءبىرىنشى ورىندا كەلەدى. ءبىز سونداي-اق جاقسى ءىرى جوبالاردى ازىرلەپ جاتىرمىز. جوعارى تەحنولوگيالىق سالالاردا، سونىڭ ىشىندە عارىش سالاسىندا جۇمىس ىستەيمىز.
جالپى، جۇمىس بارلىق باعىتتار بويىنشا ايتارلىقتاي قارقىندى ءارى وڭ باعىتتا ءجۇرىپ جاتىر.
ءبىزدىڭ كەزدەسۋىمىز، ارينە، ءبىزدىڭ سەنىمدى ستراتەگيالىق سەرىكتەستىگىمىزدى دامىتۋعا قوسىمشا سەرپىن بەرەتىنىنە وتە قۋانىشتىمىن، – دەدى رەسەي باسشىسى.
https://dalanews.kz/news/80472-turgyn-uy-kommunaldyq-sharuashylyq-sal
