كەشە تۇندە مەملەكەت باسشىسى قاسىم-جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، - دەپ حابارلايدى Dalanews.kz.
"پرەزيدەنتتەر قازاقستان مەن رەسەيدىڭ كوپجاقتى ىنتىماقتاستىعى دايەكتى تۇردە دامىپ كەلە جاتقانىن اتاپ ءوتىپ، بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردىڭ ورىندالۋ بارىسىن تالقىلادى"، - دەپ جازىلعان حابارلامادا.
بۇدان بولەك، ەنەرگەتيكا سالاسىنداعى ىقپالداستىققا نازار اۋدارىلعان.
تاراپتار حالىقارالىق كۇن تارتىبىندەگى وزەكتى ماسەلەلەر جونىندە پىكىر الماسىپ، الداعى كەزدەسۋلەردىڭ كەستەسىن قاراستىردى.
