قازاقستان مەن رەسەي پرەزيدەنتتەرٸ كەلٸسسٶز جٷرگٸزدٸ, دەپ حابارلايدى Dalanews.kz.
قاسىم-جومارت توقاەۆ:
– ۆلاديمير ۆلاديميروۆيچ, سٸزگە العىسىم شەكسٸز. ەرەكشە قوناقجايلىعىڭىز ٷشٸن شىن جٷرەكتەن ريزاشىلىعىمدى بٸلدٸرەمٸن. رەسەي تاراپى ساپاردى ۇيىمداستىرۋعا مۇقييات ەزٸرلەنگەنٸن كٶردٸك. ٸس-شارالار جان-جاقتى ويلاستىرىلعان. بٸز ٷشٸن رەسەي فەدەراتسيياسىنا مەملەكەتتٸك ساپار – بيىلعى ەڭ ايتۋلى وقيعا. مينيسترلٸكتەر, ۆەدومستۆولار ارقىلى كونسۋلتاتسييالار جٷرگٸزٸپ, تىڭعىلىقتى دايىندالدىق. ٶيتكەنٸ ىنتىماقتاستىق اۋقىمى ٶتە كەڭ. رەسەي فەدەراتسيياسىمەن بارلىق سالادا تىعىز بايلانىس ورناتتىق. سٸز جاڭا عانا قانداي جۇمىس اتقارىلعانى, الدىمىزدا قانداي مٸندەتتەر تۇرعانى جٶنٸندە ەگجەي-تەگجەيلٸ ايتتىڭىز. وعان الىپ-قوسارىم جوق. شىن مەنٸندە, مەملەكەتتەرٸمٸز اراسىنداعى ستراتەگييالىق سەرٸكتەستٸك پەن وداقتاستىق قاتىناستار – ساياسي سىپايىلىق ٷشٸن ايتىلعان سٶز ەمەس, ٶزارا ىنتىماقتاستىعىمىزدىڭ مەنٸن اشاتىن سيپاتتاۋ. سوندىقتان ٶزارا قارىم-قاتىناسىمىزدا ەشقانداي تٷيتكٸل جوق دەپ سەنٸممەن ايتۋعا بولادى. ەلگٸندە ٶزٸڭٸز ايتقانداي, بارلىق سالا تابىستى دامىپ كەلەدٸ. تاۋار اينالىمىن 30 ميلليارد دوللارعا دەيٸن ارتتىرۋ مٸندەتٸن قويدىق. مەنٸڭ ويىمشا, بۇل قول جەتكٸزۋگە بولاتىن كٶرسەتكٸش. تاياۋ كەلەشەكتە ماقساتىمىزعا ورىندالادى دەپ ويلايمىن. رەسەي فەدەراتسيياسىمەن اتوم ەنەرگيياسى سالاسىنداعى ىنتىماقتاستىققا ايرىقشا توقتالعىم كەلەدٸ. كٶپ ۇزاماي «روساتوممەن» ستانسا قۇرىلىسىن باستاۋعا مٷمكٸندٸك بەرەتٸن ٶتە ماڭىزدى كەلٸسٸمدەرگە قول قويامىز. بۇل – سەرپٸندٸ جوبا. ٶيتكەنٸ اتوم ەلەكتر ستانساسى عانا سالىنبايدى, مٷلدەم جاڭا سالا پايدا بولادى. بٸلٸم سالاسىنداعى ىقپالداستىعىمىزدى اتاپ ٶتكٸم كەلەدٸ. رەسەيدٸڭ 9 جوعارى وقۋ ورنى, سونىڭ ٸشٸندە تانىمال ۋنيۆەرسيتەتتەر قازاقستاندا فيليالدارىن اشتى. بۇل ٷشٸن رەسەي فەدەراتسيياسىنىڭ بٸلٸم سالاسى ٶكٸلدەرٸنە ريزاشىلىعىمدى بٸلدٸرەمٸن. سونىمەن قاتار ومبى ۋنيۆەرسيتەتٸ جانىنان ەل-فارابي اتىنداعى قازۇۋ فيليالى اشىلدى. بۇل دا ەلەۋلٸ وقيعا. جالپى, بٸلٸم سالاسىنا ەرەكشە مەن بەرەمٸن. ٶيتكەنٸ جاستارىمىزعا جاعداي جاساۋ كەرەك دەپ سانايمىن. بٸزدٸڭ ماقساتىمىز – جاستارعا قازاقستان مەن رەسەيدٸڭ جاڭا تاريحي جەنە گەوساياسي كەزەڭدەگٸ ىنتىماقتاستىعى مەن دوستىق بايلانىستارىن اماناتتاۋ. ٶسكەلەڭ ۇرپاق مۇنداي قارىم-قاتىناسسىز وسىناۋ الماعايىپ زاماندا ٶمٸر سٷرۋ مٷمكٸن ەمەس ەكەنٸن تٷسٸنۋگە تيٸس. قازاقستان پرەزيدەنتٸنٸڭ رەسەي فەدەراتسيياسىنا مەملەكەتتٸك ساپارى بۇل مٸندەتتٸ بەلگٸلٸ بٸر دەڭگەيدە ورىنداپ وتىر. وسى باعىتتاعى جۇمىس جالعاسىن تابادى دەپ ويلايمىن. سول سەبەپتٸ سٸزدٸ قازاقستانعا مەملەكەتتٸك ساپارمەن كەلۋگە شاقىرامىن.
ۆلاديمير پۋتين:
– قۇرمەتتٸ قاسىم-جومارت كەمەلۇلى, سٸزدٸ مەسكەۋدە, كرەمل سارايىندا قارسى العانىما ٶتە قۋانىشتىمىن. بٷگٸن مەسكەۋگە ٷكٸمەت مٷشەلەرٸنەن جەنە بيزنەس ٶكٸلدەرٸنەن قۇرالعان ٷلكەن دەلەگاتسييا كەلگەنٸن كٶرٸپ وتىرمىز. قازاقستانمەن اراداعى قارىم-قاتىناسىمىز قارقىندى دامىپ كەلەدٸ. نەگٸزگٸ قۇجاتتاردا جازىلعان ۋاعدالاستىقتاردىڭ ٶزەكتٸلٸگٸن ٶمٸردٸڭ ٶزٸ كٶرسەتۋدە. قازاقستان مەن رەسەي – جاقىن سەرٸكتەس, دوستاس ەرٸ وداقتاس ەلدەر. بۇل ناقتى ٸستەردەن بايقالادى. رەسەي – قازاقستاننىڭ جەتەكشٸ ساۋدا-ەكونوميكالىق سەرٸكتەستەرٸنٸڭ بٸرٸ جەنە باستى ينۆەستورلار قاتارىندا. بىلتىر ساۋدا اينالىمى 27 ميلليارد دوللاردان استى. بيىلعى 9 ايدا بۇل كٶرسەتكٸش 20 ميلليارد دوللارعا جەتتٸ. كٶپتەگەن رەسەيلٸك كومپانييا قازاقستاندا تابىستى جۇمىس ٸستەپ جاتىر. قازاقستاننىڭ بيزنەس ٶكٸلدەرٸ دە رەسەيدە ٶز كەسٸپتەرٸن اشىپ, بەلسەندٸ جٷرگٸزۋدە. بٸز حالىقارالىق ارەنادا تىعىز بايلانىس ورناتتىق. بٸرقاتار ٶڭٸرلٸك ۇيىمعا مٷشەمٸز. الداعى كٷندەرٸ بٸشكەكتە ٶتەتٸن ۇقشۇ فورۋمىندا, ودان كەيٸن سانكت-پەتەربۋرگتەگٸ تمد-عا جەنە ەاەو-عا مٷشە مەملەكەتتەر باسشىلارىنىڭ دەستٷرلٸ باسقوسۋلارىندا كەزدەسەمٸز. باعدارلامامىز ٶتە مازمۇندى, ونىڭ بارلىعى ورىندالىپ جاتىر. سٸزدٸڭ بٷگٸنگٸ ساپارىڭىزدىڭ قورىتىندىسى بويىنشا مەموراندۋمدار ەزٸرلەندٸ. بۇل بايلانىستارىمىزدى جوعارى مەملەكەتارالىق دەڭگەيگە شىعارۋدى كٶزدەيدٸ. ەرينە, بۇل بٸزدٸ قۋانتادى. قازاقستانمەن قارىم-قاتىناستى ودان ەرٸ دامىتۋعا ۇمتىلامىز.
