قاسىم-جومارت توقاەۆ پەن ۆلاديمير پۋتين كەلٸسسٶزدەردٸ رەسمي دەلەگاتسييا مٷشەلەرٸنٸڭ قاتىسۋىمەن كەڭەيتٸلگەن قۇرامدا جالعاستىردى, دەپ حابارلايدى dalanews.kz.
مەملەكەت باسشىسى رەسەي پرەزيدەنتٸنٸڭ قازاقستانعا جاساعان ساپارى جان-جاقتى ستراتەگييالىق سەرٸكتەستٸك جەنە وداقتاستىق رۋحىنداعى قارىم-قاتىناستاردىڭ ەرەكشە سيپاتىن كٶرسەتەتٸنٸن اتاپ ٶتتٸ.
"قازاقستان ٷشٸن ەڭ ەۋەلٸ رەسەيمەن جاقىن ەرٸ دوستىق بايلانىستار ايرىقشا ماڭىزدى دەسەك, ارتىق بولمايدى. بٸرلەسكەن كٷش-جٸگەردٸڭ ارقاسىندا ەكٸجاقتى ىنتىماقتاستىق بارلىق سالادا سەنٸمدٸ تٷردە دامىپ كەلەدٸ ەرٸ ونى مەملەكەتارالىق بايلانىستاردىڭ ناعىز ٷلگٸسٸ دەپ اتاۋعا بولادى. بٸز شاعىن قۇرامدا نەتيجەلٸ كەلٸسسٶز جٷرگٸزٸپ, سان قىرلى سەرٸكتەستٸگٸمٸزدٸ نىعايتۋعا نيەتتٸ ەكەنٸمٸزدٸ راستادىق. ەلدەرٸمٸزدٸڭ اراسىندا ەشقانداي شەشٸلمەگەن مەسەلە جوق. تەك وڭ ديناميكا بايقالادى. وسى قارقىندى ساقتاپ, جاڭا جوبالار مەن باستامالار ارقىلى ىنتىماقتاستىقتى دامىتا بەرەمٸز. بۇل ورايدا بٷگٸن قابىلداناتىن "قازاقستان جەنە رەسەي حالىقتارى اراسىنداعى دوستىق پەن تاتۋ كٶرشٸلٸكتٸڭ جەتٸ نەگٸزٸ تۋرالى" بٸرلەسكەن مەلٸمدەمەنٸڭ ماڭىزىن ەرەكشە اتاپ ٶتكٸم كەلەدٸ. اتالعان قۇجات قارىم-قاتىناسىمىزدىڭ سيپاتىن تانىتادى جەنە ونى ۇزاقمەرزٸمدٸ نەگٸزدە تەرەڭدەتۋگە بەيٸل ەكەنٸمٸزدٸ كٶرسەتەدٸ", – دەدٸ پرەزيدەنت.
مەملەكەت باسشىسىنىڭ ايتۋىنشا, ەلەمدەگٸ كٷردەلٸ احۋالعا قاراماستان, ەكٸجاقتى ىقپالداستىق, ەسٸرەسە, ەكونوميكا سالاسىندا تابىستى ٶربٸپ كەلەدٸ. ٶڭٸرارالىق ىنتىماقتاستىق فورۋمدارىن ٶتكٸزۋ دەستٷرگە اينالدى.
"رەسەي قازاقستان ەكونوميكاسىنا قارجى قۇيعان ەلدەردٸڭ اراسىنداعى ەڭ ٸرٸ ينۆەستور سانالادى. قازاقستاننىڭ رەسەي ەكونوميكاسىنا سالعان قارجىسى 9 ميلليارد دوللاردان استى. بۇل – ٶتە جاقسى كٶرسەتكٸش, ەكٸ ەل پرەزيدەنتتەرٸنٸڭ ەكٸمشٸلٸكتەرٸ مەن ٷكٸمەتتەرٸنٸڭ بٸرلەسە اتقارعان جۇمىسىنىڭ نەتيجەسٸ. وسى قارقىندى ارى قاراي جالعاستىرۋعا ۋاعدالاستىق. بٷگٸندە ينۆەستيتسييانىڭ جالپى كٶلەمٸ 53 ميلليارد دوللار بولاتىن 177 بٸرلەسكەن جوبانىڭ پۋلى جاساقتالدى, ونىڭ ٸشٸندە 122-سٸ ٸسكە اسىرىلدى, ياعني وپەراتسييالىق كەزەڭگە ٶتتٸ", – دەدٸ قاسىم-جومارت توقاەۆ.
ۆلاديمير پۋتين تەڭ قۇقىلى جەنە ٶزارا قۇرمەتكە نەگٸزدەلگەن رەسەي مەن قازاقستاننىڭ قارىم-قاتىناسى قارقىندى دامىپ كەلە جاتقانىن جەتكٸزدٸ
"بىلتىر مەسكەۋگە مەملەكەتتٸك ساپارىڭىز بارىسىندا جاساعان بٸرلەسكەن مەلٸمدەمەدە بايلانىستارىمىز جان-جاقتى ستراتەگييالىق سەرٸكتەستٸك جەنە وداقتاستىق دەڭگەيٸنە كٶتەرٸلگەنٸن اتاپ ٶتتٸك. بۇل شىن مەنٸندە سولاي. بٸز بارلىق باعىتتا جۇمىس جٷرگٸزٸپ جاتىرمىز. رەسەي جەنە قازاقستان حالىقتارى اراسىنداعى دوستىق پەن تاتۋ كٶرشٸلٸكتٸڭ جەتٸ نەگٸزٸ جايىندا ماڭىزدى بٸرلەسكەن مەلٸمدەمە قابىلدايمىز. سونىمەن قاتار كٶپتەگەن ٷكٸمەتارالىق, ۆەدومستۆوارالىق جەنە كوممەرتسييالىق كەلٸسٸمدەر دايىندالدى. بۇل قۇجاتتار ەكونوميكا مەن ەنەرگەتيكادان باستاپ, مەدەني-گۋمانيتارلىق قاتىناستارعا دەيٸنگٸ ىنتىماقتاستىقتىڭ بارلىق سالاسىن قامتيدى. مۇنىڭ بەرٸ ٶزارا ىقپالداستىعىمىزدىڭ ٸرگەسٸن نىعايتۋعا سەپتٸگٸن تيگٸزەتٸنٸنە سەنٸمدٸمٸن. 70 ينۆەستيتسييالىق جوبا جٷزەگە اسىرىلىپ جاتىر. بۇل – اۋقىمدى جۇمىستىڭ باستاۋى عانا. ٶزارا ىنتىماقتاستىعىمىزدىڭ جاقسى نەتيجەگە قول جەتكٸزەتٸن پەرسپەكتيۆتٸ باعىتتارى بايقالادى", – دەدٸ رەسەي پرەزيدەنتٸ.
بۇدان بٶلەك, كەزدەسۋدە ٶزارا تيٸمدٸ ىنتىماقتاستىقتى كەڭەيتۋ جەنە ٶندٸرٸس, ەنەرگەتيكا, كٶلٸك-لوگيستيكا, اگروٶنەركەسٸپ كەشەنٸ, تسيفرلاندىرۋ سالالارىنداعى بٸرلەسكەن جوبالاردى جٷزەگە اسىرۋ پەرسپەكتيۆاسى تالقىلاندى.
