پرەزيدەنت قاسىم-جومارت توقاەۆ ورتالىق ازييا جەنە ەزەربايجان مەملەكەتتەرٸ باسشىلارىنىڭ بەيرەسمي كونسۋلتاتيۆتٸك كەزدەسۋٸنە قاتىستى, دەپ حابارلايدى dalanews.kz.
قاسىم-جومارت توقاەۆ جاھاندىق ٷدەرٸستەردە ورتالىق ازييانىڭ رٶلٸ سەنٸمدٸ تٷردە ارتىپ, ەلەمدٸك ارەناداعى ايماقتىڭ ٷنٸ ايقىن ەرٸ سالماقتىراق شىعا باستادى دەپ سانايدى.
"بۇعان قىرعىزستاننىڭ بٸرٸككەن ۇلتتار ۇيىمى قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ رەتٸندە سايلانۋى (2027-2028 جىلدارعا) جارقىن مىسال بولا الادى. ورايلى سەتتٸ پايدالانا وتىرىپ قىرعىز پرەزيدەنتٸ قۇرمەتتٸ سادىر نۇرعوجاۇلى جاپاروۆتى جەنە بارشا قىرعىز حالقىن وسى تاريحي جەتٸستٸكپەن قۇتتىقتايمىن", – دەدٸ پرەزيدەنت.
مەملەكەت باسشىسى ىقپالداستىقتىڭ بارلىق نەگٸزگٸ مەسەلەسٸ بىلتىر تاشكەنتتە ٶتكەن كەزدەسۋدە ەگجەي-تەگجەيلٸ تالقىلانعانىن اتاپ ٶتتٸ.
"سول كەزدە ايتىلعان باستامالار, سونىڭ ٸشٸندە كونسۋلتاتيۆتٸك كەزدەسۋلەردٸ ينستيتۋتسيونالدىق تۇرعىدان دامىتۋ مەسەلەسٸ ەلٸ دە ٶزەكتٸ جەنە ونى ٸسكە اسىرۋ ماقساتىندا بٸرلەسە جۇمىس ٸستەۋٸمٸز قاجەت. قازاقستان قول جەتكٸزگەن كەلٸسٸمدەرگە ىنتالى, ەلدەرٸمٸز اراسىنداعى دوستىق, تاتۋ كٶرشٸلٸك جەنە ستراتەگييالىق سەرٸكتەستٸكتٸ نىعايتۋعا باعىتتالعان جاسامپاز باستامالاردى ودان ەرٸ ٸلگەرٸلەتۋدٸ كٶزدەيدٸ. بٸرلەسكەن كٷش-جٸگەر ارقىلى ورتاق پروگرەسس جولىندا بۇدان دا بيٸك بەلەستەردٸ باعىندىراتىنىمىزعا سەنٸمدٸمٸن. سٶز سوڭىندا تٷرٸكمەن دوس-باۋىرلارىمىزعا كونسۋلتاتيۆتٸك كەزدەسۋلەر فورماتىنداعى الداعى ٸس-شارالاردى ٶتكٸزۋدە تابىس تٸلەيمٸن", – دەدٸ قاسىم-جومارت توقاەۆ.
سونىمەن قاتار, ورتالىق ازييا جەنە ەزەربايجان مەملەكەتتەرٸ باسشىلارىنىڭ بەيرەسمي كونسۋلتاتيۆتٸك كەزدەسۋٸنٸڭ قورىتىندىسى بويىنشا شولپان-اتا دەكلاراتسيياسى قابىلداندى.
